Friday , March 29 2024

4 tindahan ipinasara ni Yorme (Maynila ginawang probinsiya ng China)

SINILBIHAN ng closure order ng Manila City Hall –  Bureau of Permit Licensing Office (BPLO), ang apat na cosmetic stores sa Binondo na una nang sinita dahil sa pagbebenta ng beauty products na may address na Sto. Cristo St., San Nicolas, Manila Province, P.R. China sa kanilang label o packaging.

Ayon sa ulat, ikinasa ang pagsalakay dakong 3:30 pm ng mga tauhan ng BPLO at Manila Police District (MPD) sa dalawang establisimiyento na matatagpuan sa Sto. Cristo St., San Nicolas District, Binondo at ang Stalls IE21 at IE22 sa loob ng Divisoria Mall ang unang tinungo.

Naabutang nakasara ang mga stalls na sinabing pag-aari ng Elegant Fumes Beauty Products, Inc., kaya’t ipinaskil ni BPLO Chief Levy Facundo ang closure order sa pintuan ng mga tindahan.

Nabatid kay Facundo, hindi maaring buksan ang establisimiyento hanggang walang nakikipag-ugnayan sa Manila City Hall BPLO.

“Walang probinsiya ang China sa Binondo, Maynila ito,” ayon kay Facundo.

Ang pagsalakay ay iniutos ni Manila Mayor Francisco “Isko Moreno” Domagoso at ang pagpapasara sa establisimiyento matapos sitahin ni PBA Party-list Rep. Jericho Nograles ang label na nakalagay sa isang beauty products na ang nakalagay na address ay 1st Flr., 707 Sto. Cristo St., San Nicolas, Manila Province, P.R. China.

Kabilang sa ibinebenta ang “Ashley Shine Keratin Treatment Deep Repair.”

Nauna rito, tinawagan ni PBA party-list Representative Jericho Nograles ang mga awtoridad na iimbestigahan at ilagay sa blacklist ang Chinese beauty product.

Ayon kay Nograles, pinaiimbestigahan niya sa Department of Trade and Industry (DTI) at sa Food and Drug Administration (FDA) at hinikayat ang mga mambabatas na parusahan ang maling paglalagay ng address o labelling.

Magugunitang noong 2018, isinabit ang isang banner sa isang footbridge sa Quezon Avenue na may mensaheng “Welcome to the Philippines, Province of China” sa panahon na nagwagi ang bansa sa maliit na kalayaan laban sa China kaugnay ng pinag-aawayang South China Sea.

“Hindi natin hahayaan ang mga superpower na ‘yan na parang tayo ay pinipitik-pitik lang sa mata at binabalewala ang soberaniya ng ating bansa,” ani Moreno sa kanyang Twitter.

Lumalabas na isang insulto sa mamamayang Filipino ang ganitong pagpapakilala sa Maynila na kilalang sentro ng ating bansa. (BRIAN BILASANO)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *