HATAW! D'yaryo ng Bayan hatawtabloid.com
MAMIMIGAY ng isolation tents ang singer/songwriter na si Gari Escobar. Actually, nagpapahanap siya ng mga ospital na mabibigyan nito.
Aniya, “Iyong tent po, sa grupo ko manggagaling, sa Team Supreme po, project po namin ngayon iyan kasabay na ‘yung pagtulong po sa frontliners natin.”
Bukod sa kanyang daily FB live na siya’y nagbibigay pag-asa sa ating mga kababayan sa panahong ito ng pandemic, aktibong tumutulong sa frontliners ang grupo ni Gari.
Inusisa namin si Gari kung may plano ba siyang pasukin ang politika sa darating na panahon. Ngunit isang mariin at may paniniyak na, “Hindi po!” lamang ang kanyang isinagot dahil una ay bawal daw sa INC at pangalawa, gusto niya lang daw talagang makatulong sa abot ng kanyang makakaya.
Ayon kay Gari, nais niyang makatulong sa kasalukuyang administrasyon dahil itinuturing niya raw na tatay-tatayan ang Pangulong Rodrigo Duterte.
“Hangang-hanga ako kung paano niya naha-handle ang maraming suliraning kinakaharap ng ating bansa sa ngayon, kasabay pa ng kanyang agresibo at ambitious na Build, Build, Build Projects.
“Ang galing ng tatay ko! Lagi ko siyang isinasama sa aking mga panalangin, pati ang ating bansa. Pangarap ko na makausap siya at maiparinig sa kanya ang isang kanta na na-compose ko, na siya ang aking naging inspirasyon,” wika pa niya.
Pahayag ni Gari nang inusisa namin kung ano’ng kanta ito, “‘Yun pong Rise Up Philippines, nagawa ko po ito noong 2016, nang nangangampanya pa lang si Tatay Digong. Siya kasi ang nakita kong pag-asa ng Filipinas para umangat uli, makabangon sa matagal na pagkasadlak sa kaguluhan, kahirapan, harassments, at abuses.”
Sa ngayon ay very excited siya dahil naka-enroll si Gari sa Cherie Gil Masterclass acting workshop na nag-start na noong August 14.
Anyway, si Gari ang nasa likod ng self-titled album mula Ivory Music na mayroong 12 cuts na kinabibilangan ng mga awiting Baguio, Dito Sa Piling Ko, Tama Na, Habang Nandito Pa Ako, From Friends to Lovers, Hanap Ko Pa Rin, Ayoko na Sayo, Ayaw Kong Makita Ka, Hindi Ka Na Muling Mag-iisa, Isang Halik Pa, Masisisi Mo Ba, at Lumaban Ka na karamihan ay siya mismo ang sumulat.
ALAM MO NA!
ni Nonie Nicasio
