ISA sa natutuhan ni Nadine Lustre habang naka-lockdown dulot ng Covid-19 pandemic ay ang paraan kung paano labanan ang depression at anxiety o ang mental at physical stress na maaaring maramdaman habang nakakulong ng nag-iisa sa bahay. At dito napatunayan niya ang power ng bago niyang mantra sa buhay, ang “You are energy.”
Ayon sa aktres sa interview ng ABS-CBN, “Yes, I absorbed that, ‘you are energy’. Natutuhan ko ‘yan noong ECQ. Lahat tayo we have to be careful what we wish for. That’s the law of attraction. Sobrang naging negative kasi ako because of everything happening.
“Hindi ko rin maide-deny kasi ang daming nangyari, nakakatakot! I was very emotional. Sabi ko, the world is going to end. For a week ganoon ako, napraning talaga ako!
“So, binago ko point of view and mindset ko. It’s true, we have to be careful with the energy and thoughts we put out. What we give out is what we get in return.”
Dagdag pa nito, “I picked up new hobbies and do things I didn’t think I can do before. I did meditation, yoga and I attended online biking and spinning classes, one hour sessions.”
Bukod dito, natuto ring magluto si Nadine ng iba’t ibang putahe at may mga bagong kanta rin siyang na-compose.
“Ang hirap talaga, kapit-kapit lang tayo. It’s disheartening to see companies closing and people I know nabawas ng kompanya.
“In anyway I want to help and encourage them to do something else at maghanap ng ibang pagkakakitaan.
“I am also lucky to have friends and family checking on me. I also have my brother, an assistant and my dogs staying with me! I have learned to count my blessings,” pagtatapos na pahayag ni Nadine.
ni John Fontanilla