Thursday , January 20 2022

OFW: Homeless in HK: The Mildred Perez Story, tampok sa Magpakailanman

LAHAT ay kayang tiisin ng isang ina mabigyan lang ng magandang buhay ang kanyang pamilya. Ngunit paano kung sa isang pagkakataon ay makapulot siya ng malaking halaga ng pera sa basura? Isasauli niya ba ito o ipadadala na lang ang pera sa kanyang pamilya?

Ngayong Sabado (July 25), tunghayan ang kuwento at kabayanihan ni Mildred Perez, isang OFW sa Hongkong na nakapulot ng malaking halaga ng pera sa basura.

Itinatampok sina Janice De Belen bilang Mildred, Cris Villanueva bilang Ed, Caprice Cayetano bilang Norabelle, MJ Jacobo bilang Juana, Rosie Talimongan bilang Lorna, at Jordan Hong bilang Pastor.

Tubong Nueva Vizcaya si Mildred. Mahirap ang buhay nila roon kaya kahit masakit para sa kanya, mas pinili niyang mangibang-bansa para guminhawa ang kanyang pamilya.

Naging sagana nga sila sa pera at sa pagkain, pero lumayo naman ang loob ng mga anak niya sa kanya. Sinuyo naman ni Mildred ang mga bata para magkaayos sila. Ngunit biglang nagkaroon ng oportunidad na makapagtrabaho siyang muli sa ibang bansa. Tinanggap ito ni Mildred dahil gusto niyang mapagtapos ng pag-aaral ang mga bata.

Maayos na sana ang lahat dahil regular siyang nakakapagpadala ng pera. Subalit isang araw, bigla siyang minolestiya ng kanyang amo. Agad siyang nagsampa ng kaso at dahil dito, natanggal siya sa trabaho. Para mabuhay sa Hongkong, naging basurera si Mildred. Ayaw din niyang umuwi sa Pilipinas dahil sa hiya at awa sa sarili. Ang kinikita niya sa pagbabasura ay pinadadala niya sa kanyang mag-aama. Isinikreto ni Mildred sa kanyang asawa at anak kung ano na ang bago niyang trabaho.

Minsan, nakapulot si Mildred ng envelope sa basura na naglalaman ng cash at checks. Napakalaking pera nito at tiyak na makatutulong sa kanyang pamilya.

Ano nga ba ang gagawin ni Mildred sa perang ito? Isasauli niya ba ito sa may-ari? May maganda pa nga kayang kapalaran na naghihintay kay Mildred at sa kanyang pamilya?

Sa ilalim ng masusing direksiyon ni Gil Tejada Jr., huwag palampasin ang OFW: Homeless In Hong Kong (#MPKHomelessInHK) episode sa Magpakailanman ngayong Sabado sa GMA.

 

Rated R
ni Rommel Gonzales

About Rommel Gonzales

Check Also

Maria Ozawa Jose Sarazola

Chef Jose at Maria ‘di kinaya ang LDR kaya naghiwalay

RATED Rni Rommel Gonzales AMINADO si Chef Jose Sarasola na hindi nila kinaya ng Japanese celebrity na …

Jessy Mendiola

Jessy pinalagan basher na bumasag sa hilig niyang mag-exercise

MA at PAni Rommel Placente ISA pang pumatol sa basher ay si Jessy Mendiola. Nag-comment kasi …

Rabiya Mateo

Basher na kumuwestiyon sa pag-arte ni Rabiya nag-deactivate ng account

MA at PAni Rommel Placente NOONG Lunes ay nag-post si Rabiya Mateo ng photos niya na tumutulong …

Blind Item, Mystery Man, male star

Aktor mabilis naglaho ang boy next door appeal

HATAWANni Ed de Leon MGA ilang buwan lamang ang nakararaan, poging-pogi ang dating ng isang male …

Vilma Santos

Ate vi nagsalita na sa tunay na dahilan ng pagtalikod sa politika

HATAWANni Ed de Leon NGAYON, maging ang mga kritiko ay nagsasabing talagang napakahusay gumawa ng …

Leave a Reply