Friday , January 28 2022

Mega web of corruption: IBC-13 gatasan ng mga opisyal (Ika-walong bahagi)

ni ROSE NOVENARIO

WALANG minamantinang account sa alinmang depository bank ang government-owned and controlled corporation (GOCC) Intercontinental Broadcasting Corporation (IBC-13), ayon sa Finance Department ng state-run TV network.

Nakasaad ito sa 2018 Annual Audit Report ng Commission on Audit (COA).

Ayon sa Accounting personnel, inactive ang kanilang account sa isang banko dahil sa Garnishment Order ng BIR ngunit nabisto ng COA sa beripikasyon sa Bangko Sentral ng Pilipinas (BSP) na aktibo ang naturang bank account mula 2012 hanggang 2017.

Sinabi ng COA, ang P223.918 milyong kinita ng IBC-13 noong 2017 ay hindi nailagak sa Authorized Government Depository Bank (AGDB) kaya’t nanganib na manakaw o mawaldas.

“Alam kaya ng COA na sa bank account ng isang empleyado ng state-run TV network na may alyas na Alandon ipinapasok ang pondo ng IBC-13 kapag nailabas na mula sa Department of Budget and Management ?” sabi ng source.

Nabatid din sa COA report na ang Property, Plant and Equipment (PPE) ng state-run TV network na nagkakahalaga ng P15.092 milyon ay hindi insured sa General Insurance Fund ng Government Service Insurance System (GSIS) alinsunod sa batas ngunit ikinatuwiran ng management na wala silang pondo para gawin ito.

“Kung walang budget ang IBC-13 para sundin ang mga nakasaad sa batas, bakit tumanggap ng P2.070 milyon ang mga opisyal ng IBC-13 noong 2018 bilang Representation and Transportation Allowance (RATA) kahit walang staffing pattern ang state-run TV network?” himutok ng source.

Nabatid sa COA report, ang President at Chief Executive Officer ay tumanggap ng RATA na P50,212.92 kada buwan; at Human Resources and Admin Manager P26,028 bawat buwan.

Hanggang noong Abril, ang president at CEO ng IBC-13 ay si Katherine de Castro na ngayo’y general manager ng People’s Television Network Inc., (PTNI) at ang HR and Admin Manager ay si Corazon Reboroso na sa kasalukuyan ay pumalit kay De Castro bilang officer-in-charge.

Pareho silang kumubra ng gasoline allowance kahit may tinanggap na RATA kada buwan.

“Paano magiging ligtas sa iregularidad ang tinatarget na P1.5 bilyong DepEd project ng IBC-13 kung kuwestiyonable ang integridad ng mga nagpapatakbo nito?” sabi ng source.

Nabatid na si PCOO Undersecretary George Apacible ay isa sa mga miyembro ng Technical Working Group (TWG)  para sa nasabing ambisyosong proyekto sa DepEd, bukod kina De Castro at Reboroso.

Si Apacible dating sumabit ang pangalan sa dispalinghadong paggasta ng kagawaran sa Association of Southeast Asian Nations (ASEAN) funds noong 2017.

Matatandaan naman na lumutang ang pangalan ni De Castro, bilang Tourism Undersecretary,  sa kontrobersiyal na P60-M advertising deal na pinasok ng Department of Tourism (DOT) sa PTNI para sa Bitag Media Unlimited Inc. (BMUI) sa programang “Bitag” ni Ben Tulfo sa PTV-4.

Habang si Reboroso ay ‘sumikat’ sa IBC-13 dahil imbes ganap na ipatupad ang regional wage hike, binawasan umano ng sampung piso ang umento sa sahod kahit kakarampot na ang naiuuwing suweldo ng mga kawani sa kanilang pamilya. (MAY KASUNOD)

About Rose Novenario

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply