Alice Dixson isisiwalat ang totoong nangyari sa ‘taong-ahas’ sa Robinson’s Galleria (Paglipas ng mahigit tatlong dekada)
DEKADA ‘80 nang bumulaga sa telebisyon at diyaryo ang balita kay Alice Dixson na muntik na umanong makain ng lalaking taong ahas sa Robinson’s Galleria na kakambal raw ng isa sa mga anak ni Mr. John Gokongwei na si Robina. Kahit hindi na pinag-uusapan ang nasabing issue ay nananatiling urban legend ito.
Pero ngayon, idi-divulge na raw ni Alice sa kanyang social media account o YouTube network, may 167K subscribers, ang totoong nangyari sa kanya noong araw na nagsusukat ng damit sa fitting room ng Robinson’s Galleria.
Para sa ikatatahimik ng isyung ito ay ipapaliwanag ng magandang actress, ang kanyang side at kaya raw siya magsasalita dahil sa ipinangako niya ito sa kanyang kaibigan na hindi na niya pinangalanan.
Mabuti na rin na mag-confide na si Alice, para matigil na rin ang haka-haka na kaya siya nanahimik sa usaping ito ay dahil binayaran siya umano ng malaking halaga ng mga Gokongwei.
Saka mukhang maganda ang sasabihin ni Alice sa kanyang YT channel lalo’t pumayag na siyang maging endorser ng Robinson’s Galleria.
VONGGANG CHIKA!
ni Peter Ledesma
