Friday , March 29 2024
dead

Lola natagpuang patay sa sasakyan ng Agusan del Norte provincial gov’t

NATAGPUANG wala nang buhay ang katawan ng isang matandang babae sa loob ng sasakyang pag-aari ng provincial government ng Agusan del Norte nitong Lunes, 20 Hulyo.

 

Nabatid na nakapangalan ang sasakyan sa Agusan del Norte Provincial Capitol at minamaneho ng isang empleyado ng kapitolyo na kinilalang si Rodrigo Agang.

 

Papasok sa trabaho si Agang nang bumungad sa kaniyang  pagbukas ng pinto ng sasakyan ang masangsang na amoy.

 

Nang kaniyang buksan ang likod na bahagi ng sasakyan, nakita niya ang katawan ng isang babae.

 

Sa harapan ng Buenavista Municipal Hall niya ipinarada ang sasakyan noong Biyernes ng hapon, 18 Hulyo, matapos ang kaniyang duty.

 

Nakasanayan na umano niyang iparada ang sasakyan sa lugar dahil naniniwala siyang mas ligtas na iwanan doon ang sasakyan.

 

Iniwan din niyang naka-lock ang sasakyan kaya nagtataka siya kung paanong naipasok doon ang bangkay ng babae.

 

Kinilala ang biktimang si Josephine Parucho, 66, at residente sa Barangay Simbalan, sa bayan ng Buenavista, sa naturang lalawigan.

 

Tinatayang 35 kilometro ang layo ng tirahan ng biktima kung saan natagpuan ang kanyang bangkay.

 

Kabilang sa iimbestigahan ng mga pulis kung ginahasa ang biktima dahil nakababa ang salawal nito nang siya ay matagpuan.

 

Wala pang pahayag ang mga kaanak ng biktima sa nangyari.

 

Inaasahang isasailalim sa awtopsiya ang bangkay upang malaman ang sanhi ng kanyang pagkamatay. ###

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *