HABANG naghihintay pa ng trabaho na ibibigay sa kanya ng Viva Entertainment, ang produksiyong namamahala sa kanyang career, paggawa o pagsulat ng mga kanta ang pinagkaabalahan ni Julian Trono.
Nakahiligang mag-compose ng kanta ni Julian nang makapagpahinga sa pagtulong sa mga apektado ng Covid-19. Sk Chairman si Julian kaya naman ganoon na lamang siya kaaktibo.
Pinagseserbisyuhan niya ng buong puso ang mga taga- San Martin De Pores sa Cubao na nagbabahay-bahay siya kasama ang kanyang buong team na namimigay ng gamot at ayuda.
Ukol naman sa pagko-compose, kuwento ni Julian, nag-try lang siyang magsulat na kalauna’y nagustuhan na kaya naman napadalas ang paggawa niya ng kanta.
Inspirasyon ni Julian ang mga katulad niyang teen actor tulad ni James Reid na nagko-compose ng sarili niyang mga kanta. Isa pa sa pinagkakaabalahan ni Julian ay ang pagdalo sa Website Seminar at Online Peta Dance Tutorial.
MATABIL
ni John Fontanilla
