Thursday , December 2 2021
Bulabugin ni Jerry Yap
Bulabugin ni Jerry Yap

IATF-MEID, drive-thru COVID-19 testing hindi checkpoint ang dapat na itinayo

TALAGANG BILIB tayo kay Mayor Francisco “Isko Moreno” Domagoso.

Ibang klase talaga siya. Imbes punahin ang Inter-Agency Task Force for the Management of Emerging Infectious Diseases (IATF-MEID), na ‘nakakokonsumi’ na ang performance, patuloy siyang gumagawa ng paraan upang makatulong.

Gaya ng ginawa niyang LIBRENG drive-thru COVID-19 testing hindi lamang para sa mga Manileño kundi kahit sa taga-ibang lungsod na daraan ay tatanggapin.

Ito ‘yung aksiyon na matagal na nating hinihintay na gawin ng IATF o ng Department of Health (DOH), magsagawa ng mga testing centers na puwedeng puntahan ng  ating mga kababayan na hindi nila iisiping wala silang pera o magtatanong muna kung libre ba?

Dapat, imbes checkpoint, mga testing center ang itinayo ng IATF. E ‘di sana matagal na tayong may eksakto o tamang bilang.

Hindi sana tayo nagoyo ng DOH.

Ang siste, kailangan pang maghintay ng sintomas bago payagang mag-test.

E sabi nga ninyo, may mga kasong asymptomatic. ‘E kailan pa malalaman na asymptomatic kung walang testing?!

Ay sus!

‘Yan checkpoints ay naghatid ng tensiyon sa mga mamamayan at ang sabi nga ‘e laging nagpapaalala ng hindi magandang pangyayari sa pagitan ng mga alagad ng batas at ng pangkaraniwang mamamayan.

Ngayong pataas nang pataas ang bilang ng infected ng COVID-19 na umabot na sa 67,456 cases, hindi pa rin ba magsasagawa ng mass testing ang IATF at DOH?

 Diyan po ninyo ilaan ang pondo sa mass testing nang maka-achieve naman tayo ng kapanatagan, ‘wag na sanang mapunta sa kung kani-kaninong ‘bulsa.’

Kung nag-umpisa na tayo noong Enero pa lamang, baka marami na tayong nagawang test at nagkaroon na ng direksiyon ang laban natin sa COVID-19.

Umpisahan na po natin ngayon IATF. Ngayon na po ang panahon na dapat tinuan at seryosohin ang testing dahil kung hindi magtatambakan na ang COVID-19 cases sa bansa.

Please!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bulabugin ni Jerry Yap

True friendship lasts forever

MAGANDANG gabi po sa inyong lahat. Una ko pong nakilala si Jerry Yap, sa katotohanang …

Usaping Bayan ni Rev. Fr. Nelson Flores, MSCK, JD

Adviento

USAPING BAYANni Rev. Fr. Nelson Flores, MSCK, JD. NITONG nagdaang araw ng Linggo ay nagsimula …

FIRING LINE ni Robert B. Roque, Jr.

China, bully na in denial

FIRING LINEni Robert B. Roque, Jr. MAPAGKUNWARI ang China, sa ilalim ni Xi Jinping, pagdating …

Bulabugin ni Jerry Yap

Maligaya na ang birthday ko, okey na si Rommel — JSY

MARAMING salamat, Sir JSY. Nabulabog mo kaming lahat, mga tauhan mo, pamilya, lahat ng nagmamahal …

AKSYON AGAD ni Almar Danguilan

Quezon Gov. Suarez et al, kakasuhan ng plunder? Bakit?

AKSYON AGADni Almar Danguilan SASAMPAHAN ng plunder o pandarambong si Quezon Province governor Danilo Suarez. …

Leave a Reply