Friday , March 29 2024
COVID-19 lockdown

10 bahay lockdown (Sa Negros Oriental)

ISINAILALIM sa localized lockdown ang hindi bababa sa 10 bahay sa isang sitio sa Barangay Poblacion, sa lungsod ng Guihulngan, lalawigan ng Negros Oriental matapos makisalamuha ang isang pasyenteng positibo sa COVID-19 sa kaniyang mga kaanak.

 

Ayon kay Dr. Liland Estacion, assistant provincial health officer, noong Miyerkoles, 15 Hulyo, hindi malinaw kung paano nagkaroon ng pagkakataong makasalamuha ng pasyente ang kaniyang pamilya kahit nasa isolation sa loob ng isang government quarantine facility.

 

Kasalukuyan nang iniimbestigahan ng mga awtoridad ang insidente.

 

Ani Estacion, nagpositibo ang pasyente kahit tapos na ang 21-araw quarantine period, mas mahaba kaysa inirerekomendang 14-araw incubation period ng coronavirus.

 

Dagdag niya, sinabihan niya ang kanilang mga tauhan na huwag maging kampante sa mga pasyente kahit natapos nila ang 14-araw na quarantine.

 

Nabatid, ang bagong pasyente ay isang 39-anyos babae na umuwi galing sa Cogon Pardo sa lungsod ng Cebu, na nakasalamuha ang dalawang positibong pasyente mula sa lungsod ng Guihulngan.

 

Nasa quarantine facility ang babae simula nang dumating siya sa Negros Oriental noong isang buwan at nagpakita ng mga sintomas ng trangkaso.

 

Samantala, negatibo ang resulta ng COVID-19 test ng kaniyang asawa at anak.

 

Sa huling tala noong 15 Hulyo, mayroong kabuuang 61 kaso ng COVID-19 sa lalawigan, 36 ang aktibong kaso, 22 ang nakarekober, at tatlo ang binawian ng buhay.

 

Sa mga aktibong kaso, 21 ang mga sundalo mula sa 302nd Infantry Brigade ng Philippine Army na nanggaling sa kanilang deployment sa Cebu.

 

Sumailalim ang mga sundalo sa ikalawang swab test upang makita kung mayroon pa silang virus.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *