Rita, muntik nang iwan ang showbiz

NAKATAKDA na sanang mag-migrate sa ibang bansa si Rita Daniela at iwanan ang showbiz career bago dumating ang naging big break niya sa GMA Afternoon Prime drama series na My Special Tatay.

 

Sa exclusive interview ng GMA Network, ibinahagi ng aktres na hindi niya inaasahang mamahalin ng mga manonood ang mga karakter sa nasabing serye.

 

“Bago ko po nakuha ‘yung role na Aubrey, akala ko po nun talaga, ‘yun na po ‘yung end ng career ko sa show business.”

 

At matapos nga ang My Special Tatay, talagang sinundan na ng Kapuso viewers ang journey ni Rita at ni Ken Chan bilang isang love team at naging sunod-sunod ang projects na ipinagkatiwala ng GMA sa kanila.

 

Mapapanood ang emosyonal na kuwento ni Rita sa #SolidKapuso video entry niya sa GMA 70th Anniversary special sa GMA Network YouTube channel.

Rated R
ni Rommel Gonzales