Faye Tangonan, nanalong muli ng Best Supporting Actress sa 2 international filmfests

Ang pagkilala ay mula sa Tagore International Film Festival, India at sa Festigious International Film Festival, Los Angeles, California para sa pelikulang Covered Candor (Tutop).

Ano ang reaksiyon niya rito?

Bulalas ni Ms. Faye, “I’m stoked! I couldn’t believe it! God is indeed great! I feel like my first international winning at Oniros Film Festival in Italy is not a fluke ‘coz I’ve got another award… It’s God’s favor indeed!”

Nauna rito, itinanghal si Ms. Faye as Best Supporting Actress sa Oniros Film Awards sa Italy para sa parehong pelikula, kaya nakaka-tatlong Best Supporting Actress na siya.

Ang Covered Candor ay tinatampukan ng actor/director/producer na si Romm Burlat. Kasama rin sa pelikula ang Bidaman finalist na si Ron Macapagal. Ang director nito ay si Marvin Gabas at ito ay produced ng ROMMantic Entertainment Productions.

Ayon pa kay Ms. Faye, mas magiging inspired siya sa muling pagharap sa camera dahil sa awards na ito. “Definitely, yes. The fact that I’m still new in the field of entertainment industry and I’ve been blessed with two international awards already is a big accomplishments for me!”