Mommy ni Xian, napagkamalang Amalia Fuentes

NAG-POST ang mommy Mary Anne ni Xian Lim sa  kanyang Instagram account  ng picture niya,  na may hawak-hawak na maliit na  hinog na mangga. In fairness, ang ganda-ganda niya roon, huh!

Ang comments nga sa kanya ng iba niyang followers ay, so pretty. ‘Yung iba naman, sana ay mag-asawa na si Xian para mabigyan na siya ng apo.

O ‘di ba, kailan nga kaya magbabalak si Xian na pakasalan na si Kim Chiu para mabigyan niya na ng apo ang kanyang mommy?

Sa totoo lang, hindi lang naman sa picture maganda si mommy Mary Anne, maging sa personal din. Kumbaga, hindi lang siya photogenic.

Ilang beses na kasi namin siyang nakita ng personal, kapag iniimbita kami ng mga tagahaga nina Xian at Kim sa mga event nila, na naroon siya. Artistahin ang dating ni mommy Mary Anne. May hawig nga siya sa namayapang aktres na si Amalia Fuentes. Hindi lang kami ang nagsasabi nito, kundi pati ang mga nakakita sa kanya ng personal. Pwedeng-pwede siyang gumanap na mommy ng mga kabataang artista natin, na mestizo at mestiza looking.

MA at PA
ni Rommel Placente