Tuesday , December 7 2021
BARMM
BARMM Bangsamoro Autonomous Region in Muslim Mindanao

Kinatawan sa BARMM iginiit ni Alonto

NANAWAGAN si Bangsamoro Auto­nomous Region in Muslim Mindanao (BARMM) parliament member Zia Alonto Adiong kay Pangulong Rodrigo Duterte na magtalaga ng kina­tawan ng Bangsamoro sa bubuuing Anti-Terrorism Council (ATC) na magpapa­tupad ng Anti-Terrorism Act (ATA).

Dapat aniya ay may kinatawan ang BARMM sa ATC para maipa­liwanag ang konteksto ng terrorism on the ground.

Sabi ni Adiong, hindi kinonsulta ang BARMM nang binaba­langkas pa lamang ang Anti-Terror Bill.

Naniniwala si Adiong na ang mga pamantayan kontra-terorismo sa Filipinas ay dapat hindi lamang tungkol sa pagpapalakas ng law enforcement kundi maka­kuha rin ng suporta ng pamayanan sa pamama­gitan ng proseso ng “social healing.”

“Ultimately, when you talk about Anti-Terrorism measures in the Philippine setting it should not only be about strengthening law enforcement but to gain community support through the process of social healing, “ani Adiong sa kanyang Twitter.

Isang araw bago nilagdaan ni Pangulong Duterte ang ATA noong Biyernes ay inaprobahan ng  Bangsamoro Transition Authority (BTA) ang BTA Resolution No. 77,  na umapela kay Pangulong Duterte na i-veto ang Anti-Terrorism Bill upang marepaso ng Kongreso at tugunan ang ilang kontrobersiyal na probi­syon sa panukalang batas.

Ngunit nang lagdaan ni Pangulong Duterte bilang batas ay inihayag ni Bangsamoro Chief Minister Ahod “Al Haj Murad” Ebrahim na iginagalng ng BARMM ang naging hakbang ng Punong Ehekutibo pero mas mainam kung mag­kakaroon ng kinatawan ang Bangsamoro sa ATC.

“The BARMM is open to engage the National Government on preparedness against this vicious phenomenon, as we collectively explore new potential approaches to holistically protect our people from the menace of terrorism. This engagement can start with the Bangsamoro having representation in the Anti-Terrorism Council,” aniya sa isang kalatas.

(ROSE NOVENARIO)

About Rose Novenario

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply