Kelot, kulong (Tumira ng bisikleta)

SA KULUNGAN bumagsak ng isang lalaki matapos magnakaw ng bisikleta sa Valenzuela City, kahapon ng madaling araw.

Kinilala ang naarestong suspek na si Timothy Dangan, 24 anyos, tambay, residente sa Fortune St., Barangay Palasan, ng nasabing lungsod na nahaharap sa kasong robbery.

Batay sa ulat ng pulisya, dakong 3:30 am, nang maganap ang pagnanakaw ng bisikleta sa harap ng bahay ng biktimang si John Ryan Morelos, 30 anyos, merchandizer, residente sa P. Caco, Barangay Isla.

Sinadya umano ng biktimang umihi sa harap ng bahay nang makita ang suspek habang pinuputol ang kadena na nakatali sa kanyang Japanese bicycle gamit ang bolt cutter.

Agad itong sinita at nilapitan ng biktima na kaagad sumakay sa bisikleta at tumakas patungong Poblacion. Polo dahilan upang magsisigaw para humingi ng tulong ang biktima habang hinahabol si Dangan.

Nakorner ang suspek ng nakihabol na mga istambay sa Polo Market at nabawi ang bisikleta na nagkakahalaga ng P3,000 at bag na naglalaman ng bolt cutter at grass cutter. (ROMMEL SALES)