Wednesday , May 31 2023

Jeepney drivers ‘wag balewalain ng DOTr, LTFRB

NANAWAGAN si Senadora Nancy Binay sa Department of Transportation (DOTr), Land Transportation Franchising and Regulatory Board (LTFRB) na aksiyonan ang paghihirap ng mga jeepney drivers dahil sa epekto ng COVID-19.

 

Ani Sen. Nancy, hindi dapat paasahin ang jeepney drivers at operators nang makapagsimula na sa kanilang pamamasada.

 

“Sobra nang nahihilo ang ating mga tsuper sa kadi-dribble at pagpapasapasa ng DOTr at LTFRB kung papayagan ba silang bumiyahe.

 

“Bakit ‘di nila deretsang sabihin kung ano man ang plano ng gobyerno sa kanila? Makababalik pa ba ang mga jeep o hindi na?’ tanong ni Binay.

 

“Ano ba talaga ang plano ng DOTr at LTFRB? Parang pinahahaba lang nila ang kalbaryo ng mga kababayan nating namamasada… Kung makababalik, ‘wag nang maraming dahilan. Kung ‘di na makababalik, ‘wag nang paasahin at linawin sa mga operator at driver kung ano ang plano at gagawin ng gobyerno sa 250,000 tsuper at operators,” mariing punto ng senadora.

 

“Masakit tanggapin na tila hinayaan ng gobyerno na unti-unting maupos ang kabuhayan ng ating mga jeepney driver. ‘Yung harap-harapang ipamumukha sa kanila na ‘di sila kasama sa pamamasada.

 

“Ang pagsusulong ng modernization program ay dapat inclusive at ‘di exclusive na pumapabor sa isang sektor. Hindi tama na pagkaitan natin ng trabaho at kabuhayan ang ating mga kababayan habang may pandemya. Sa ngayon ang dating malalakas na busina ay napalitan ng impit na tunog ng kumakalam na sikmura,” dagdag ni Binay. (CYNTHIA MARTIN/NIÑO ACLAN)

About Niño Aclan Cynthia Martin

Check Also

teacher

Sentimyento ng mga guro pakinggan
MOTHER TONGUE POLICY NG DEPED REPASUHIN– SENADOR

HINIMOK  ni Senador Win Gatchalian ang Department of Education (DepEd) na pakinggan ang mga guro sa …

Estate Tax

Pagpapalawig sa amnestiya sa pagbabayad ng estate tax pasado na sa senado

PINASA na ng senado sa third at final reading ang panukalang batas na pagpapalawig sa …

Perjury

Testimonya, binawi ng saksi
MAS MABIGAT NA PARUSA SA PERJURY NAPAPANAHON NA — SENADOR

NANAWAGAN si Senador Alan Peter “Compañero” S. Cayetano nang mas mabigat na parusa laban sa perjury, …

Money Bagman

Maharlika Investment Fund   MIF SENATE VERSION ‘DI SUPORTADO NI SUPER ATE, 2 PA

HINDI suportado ng isang daang porsyento nina  Super Ate ng Pangulo na si Senadora Imee Marcos, …

Bato dela Rosa AFAD

Dela Rosa nanawagan para sa responsableng pagmamay-ari ng baril

ANG paglago at pag-unlad ng industriya ng paggawa ng  baril ay nakasalalay sa paglaki ng …

Leave a Reply

Your email address will not be published. Required fields are marked *