MAGKAKAROON na ng sariling online acting workshop si Gladys Reyes.
Gusto kasing ibahagi ni Gladys ang kaalaman niya sa pag-arte lalong-lalo na sa pagiging effective na kontrabida sa mga baguhang gustong malinya rito.
Post nga ni Gladys sa kanyang Instagram, “Maraming nagtatanong sa akin, paano raw maging kontrabida na ‘di kailangang maging masama sa totoong buhay para lang magampanan ng makatotohanan. Bata pa ako, ito na ang gusto ko…umarte!”
Nagsimula si Gladys sa Little Miss Philippines noong 1984 na isa siya sa naging runner-up. After niyon ay nagsunod-sunod na ang suwerte niya sa showbiz na napasama pa sa pelikulang Baby Tsina ni Vilma Santos.
Pagbabalik tanaw ng aktres, “My first screen test was Baby Tsina as Ms. Vilma Santos’s daughter.
“I had my first acting workshop under the multi-awarded director, the late Direk Marilou-Diaz Abaya. ‘Di ako nagmamarunong, I just want to share what I have learned in my 36 years in the business.”
Hanggang ngayon ay sunod-sunod pa rin ang proyektong ginagawa ni Gladys.
MATABIL
ni John Fontanilla
