Saturday , November 27 2021

Bike lanes sa Maynila hindi pa ligtas — Isko

PINAG-IISIPAN maigi ni Mayor Francisco “Isko Moreno” Domagoso ang paglalagay ng bike lanes kasabay ng pag-amin na hati ang kanyang desisyon pagdating sa nasabing usapin para sa lungsod ng Maynila.

 

Ayon sa punong lungsod, susunod siya kung magkakaroon ang national government ng bike lanes sa siyudad pero kung sa kanya iiwan ang pasya ay  hindi niya ito gagawin dahil hindi pa handa ang siyudad para sa bike lanes.

 

Aniya, hindi pa handa ang lungsod sa paglalagay ng bike lane base sa kaayusan at seguridad dahil mayroong 4,000 trucks ang dumaraan sa kalsada ng Maynila araw-araw.

 

Sa  live public address ng alkalde, inalala niya anģ pagkamatay ng bayaning frontliner na babaeng doktor na sakay ng kanyang bisikleta nang masagi ng truck habang pauwi sa tahanan.

 

“Two months ago, puwede ka mag-bowling sa luwag ng kalsada, mayroon tayong doktor na nag-duty, nakabisikleta  at sinasagaan ng trak, kaya hati ang puso ko sa bike lane. Mas titiisin ko pa na mahirapan kayo maglakad at sumakay para maghanapbuhay kaysa makita ko kayong sumambulat ang utak sa kalsada,” ayon kay Mayor Isko.

 

Naniniwala si Isko, hindi handa ang lahat ng klase ng mga motorista partikular ang mga truck para sa bike lanes.

 

“Dapat masusing pag-aralan. Gusto ko ‘yan (bike lane) maganda ang konsepto, it’s just that kung ipatutupad sa Maynila ng national government, makikiisa tayo, walang kuwestiyon, pero titingnan ko kung paano mapapangalagaan ang ating mga kababayan. Pero kung ako ang mag-i-initiate, I would say no. Gamitin n’yo na lang ang bangketa,” dagdag ng alkalde.

 

Sa nasabing usapin patungkol sa paglalagay ng bike lane ay mas matimbang kay Mayor Isko ang kaligtasan ng lahat ng kababayan partikular ang maayos na pag-uwi ng mga manggagawa at empleyado na inaasahan ng kanilang pamilya.

 

Ibinahagi ng alkalde ang kanyang pagbisita sa The Netherlands na mayroong bicycle lanes pero dekada umano ang inabot ng pag-aaral doon kaya wala silang aksidente.

 

“Handa na ba ang nagbibisikleta na ilagay niya ang sarili sa gitna ng malalaking rumaragasang sasakyan? Alam n’ya na ba ‘yung disiplina? I have nothing against it (bike lanes) pero kailangan pag-aralang maigi dahil ayokong may madidisgrasya sa lungsod ng Maynila. Mababalewala lahat ang pinagpapagal ninyo kung bali-bali ang buto n’yo o nasawi kayo,” pahayag ni Mayor Isko. (BRIAN BILASANO)

About Brian Bilasano

Check Also

Jeffrey Hidalgo Angeli Khang

Jeffrey Hidalgo sumabak na rin sa pagdidirehe ng bold

FACT SHEETni Reggee Bonoan SPEECHLESS kami sa trailer ng bagong erotic drama movie ng Viva …

P251-K bato kompiskado HVT sa Pasig arestado

NASAKOTE ng mga awtoridad ang 33-anyos lalaki, pangsiyam sa high value targets (HVT), sa ikinasang …

Sa Bulacan
24 LAW OFFENDERS DERETSO SA HOYO

ARESTADO ang 24 katao, pawang lumabag sa batas, sa iba’t ibang operasyon na inilatag ng …

Alitangya sumalakay sa Pampanga

NAITALA sa ilang lugar sa lalawigan ng Pampanga ang pananalasa ng rice black bug o …

PCSO STL PNP NBI

Ayuda sa NBI, PNP
P52.2-M PCSO STL SALES INILAAN SA HEALTHCARE

NANAWAGAN ang Philippine Charity Sweepstakes Office (PCSO) sa Philippine National Police (PNP) at National Bureau …

Leave a Reply