HATAW! D'yaryo ng Bayan hatawtabloid.com
ISA si Anak Ni Waray Vs. Anak Ni Biday star Benedict Cua sa mga sikat na vlogger ng henerasyon ngayon na pinasok na rin ang showbiz.
Para kay Benedict, hindi nagkakalayo ang matagal na niyang ginagawang pagba-vlog sa pag-arte. Kaya naman hindi kataka-taka na pareho itong nae-enjoy ni Benedict na gumaganap bilang vlogger na si Benny sa GMA series.
“I really enjoy both because they’re different in their own ways. And what’s even great is you can develop different sets of skills which you can integrate in both acting/vlogging.”
Kamakailan ay napanood ang ‘special’ vlog ni Benny na dedicated sa kaibigan niyang si Caitlyn na ginagampanan naman ni Kate Valdez. Ang vlog na pinamagatang How to care for your BFF ay para sa mga taong nais umamin ng kanilang tunay na nararamdaman sa kanilang kaibigan. Paano mo nga matutulungan ang taong special sa ’yo?
Mapapanood ang online exclusive vlog ni Benedict sa official Facebook at YouTube accounts ng GMA Network.
RATED R
ni Rommel Gonzales
