HATAW! D'yaryo ng Bayan hatawtabloid.com
BINAWIAN ng buhay ang isang 48-anyos magsasakang kapangalan ng lider ng Kilusang Magbubukid ng Pilipinas (KMP) nang tamaan ng kidlat habang nasa kaniyang sakahan sa bayan ng Talugtug, sa lalawigan ng Nueva Ecija, noong Lunes ng hapon, 15 Hunyo.
Kinilala ni P/MSgt. Ryan Reglos, imbestigador ng Talugtug police, ang biktimang si Danilo Ramos, residente sa Barangay Nangabulan, na nabatid na nagtatanim ng palay nang biglang mawalan ng malay dakong 1:00 pm.
Dinala si Ramos sa municipal rural health unit clinic ngunit idineklarang patay na.
Samantala sa lungsod ng Palayan, dinaanan ng isang buhawi ang isang barangay bago bumagsak ang malakas na ulan dakong 5:40 pm noong araw na iyon. Walang naiulat na sinumang nasaktan sa insidente.
