MALAKI ang pasasalamat ng Kapuso TV host-comedian Betong Sumaya sa celebrity couple na sina Paolo Contis at LJ Reyes para sa “ayuda” nitong pagkain na personal na iniabot ng aktor sa kanya.
Kuwento ni Betong, regular ang pagbibigay ng pagkain nina LJ at Paolo simula ng ipatupad ang enhanced community quarantine dulot ng Covid-19 pandemic.
Ikinuwento ito ng komedyante sa ipinost niyang video sa Instagram ukol sa pagkikita nila ni Paolo.
“’Mayor Paolo Contis’ at First Lady LJ Reyes’ maraming salamat ulit sa ‘ayuda.’ God bless you always,” caption ni Betong sa kanyang IG post.
Samantala, sa panayam ng GMA kay Betong, sinabi niyang sa panahon ng kagipitan at krisis tulad ngayon ay mas makikilala ng tao ang mga tunay na nagpapahalaga sa kanila lalo na’t nag-iisa lang siya sa kanyang bahay.
“Sa panahon ng kagipitan doon mo makikilala ang mga tunay mong kaibigan.
“Ako, I’m so thankful na hindi man lang ako humingi ng tulong sa mga kaibigan ko, mga kapwa ko artista, nagbigay sila ng tulong sa akin.
“Pinadalhan nila ako ng pagkain kahit hindi ako humihingi. So I’m so thankful sa mga masasabi kong mga angel ko,” pahayag ni Betong.
At hindi lang pala si Paolo ang nagbigay ng ayuda sa kanya, pinadalhan din siya ng pagkain nina Boy 2 Quizon, Kakai Bautista, Aubrey Carampel, Susan Enriquez, at Boobay.
“Unexpected. Sina Paolo Contis, Boy 2 Quizon, Divine, Kakai Bautista, Aubrey Carampel, Susan Enriquez, Boobay.
“Nakatulong sila sa akin, sobrang laking tulong dahil sa mga pinadadala nilang pagkain eh, talagang parang nadugtungan ‘yung panahon na iniisip ko kung ano ang uulamin ko. Sobrang thankful ko talaga sa kanila,” pahayag pa ng komedyante.
MATABIL
ni John Fontanilla
