Jillian Ward, patok sa TikTok; Sayaw na Squeaky-Clean Challenge, naka-3-M views
BAGUHAN man ang Prima Donnas star na si Jillian Ward sa patok na mobile app na TikTok, agad naman siyang sinuportahan ng fans at mga tagahanga.
Sa kauna-unahan niyang uploaded video na mapapanood siyang sumasayaw sa sikat na Squeaky-Clean Challenge mula sa kanta ni Sabby Sousa na Cream n’ Frosting, umabot ito ng higit 3-M views.
Wala pang isang linggong naka-post ito pero pinatunayan ni Jillian ang karisma niya sa Filipino audience kahit sa labas ng TV screen! Miss na miss na siya ng kaniyang fans sa paborito at top-rating serye sa hapon na Prima Donnas sa GMA bilang si Mayi.
Sa ngayon, enjoy muna sila sa pagsubaybay sa TikTok journey ng teen actress.
RATED R
ni Rommel Gonzales
