HATAW! D'yaryo ng Bayan hatawtabloid.com
INIHAYAG na kahapon ng Metro Manila Film Festival ang walong entries na makikiisa sa una nilang summer edition.
Ang walong pelikula ay ang A Hard Day (action) ng Viva Films at pinagbibidahan ni Dingdong Dantes; Tagpuan (romance) ng Alternative Vision Cinema na pinagbibidahan nina Alfred Vargas, Shaina Magdayao, at Iza Calzado; Love The Way You Lie (romantic, comedy) ng TinCan, Ten17P, at Viva Films at pinagbibidahan nina Xian Lim at Alex Gonzaga; Isa Pang Bahaghari (family drama) ng Heaven’s Best at pinagbibidahan nina Philip Salvador at Nora Aunor; Love or Money (romantic, comedy) ng ABS-CBN Film Productions, Inc., na pinagbibidahan nina Coco Martin at Angelica Panganiban; Coming Home (family drama) ng Maverick Films at pinagbibidahan nina Jinggoy Estrada at Sylvia Sanchez; Ngayon Kaya (romance) ng T-Rex Entertainment Production Inc., at pinagbibidahan nina Paulo Avelino at Janine Gutierrez; at The Missing (horro) ng Regal Entertainment Inc at pinagbibidahan nina Joseph Marco at Ritz Azul.
Kasabay nito ang panawagan ni Metropolitan Manila Development Authority (MMDA) at over all chairman Danilo Lim na suportahan at tangkilikin ang walong pelikulang kalahok sa Summer MMFF.
“Let us support the industry. We assure everyone of quality films for the MMFF’s Summer edition that hopes to give workers of the industry added opportunities to showcase their talents and creativity,” sambit ni Lim.
Mapapanood ang walong pelikula simula April 11, Black Saturday hanggang Abril 21 sa lahat ng sinehan.
Napili ang walo mula sa mga criteria na—artistic excellence—40%; commercial appeal—40 %; Filipino cultural sensibility—10%; at global appeal—10%.
Naisakatuparan ang event na ito sa tulong din ng Quezon City Government in partnership sa Cinema Exhibitors Association of the Philippines (CEAP).
Samantala, handang-handa na rin ang pagsasagawa ng Parade of Star’s na magaganap sa April 4 na ang host ay ang Quezon City Government. Ani Lim, magsisimula ang mga float sa Welcome Rotonda (via Quezon Avenue eastbound) na didiretso sa Quezon Memorial Circle.
SHOWBIZ KONEK
ni Maricris Valdez Nicasio
