Pia, nasugatan sa shooting ng pelikula nila ni Vhong

NASUGATAN sa kanang bahagi ng noo niya si 2015 Miss Universe Pia Wurtzbach dahil sa shooting ng pelikula kasama si Vhong Navarro mula sa Black Sheep.

Nag-resume na ang shooting nina Vhong at Pia pagkalipas ng ilang buwang tengga dahil laging wala sa bansa ang dalaga kaya nahihinto bukod pa sa nirebisa ang script.

Ipinost ni Pia ang litratong may sugat siya sa IG, “I’m not hurt! But Sandra is Back in Manila and back at work shooting for our movie with @black_sheepph. It took some time to get started again but we’re sooo back and ready to do this! Right, Biboy? @vhongx44.  I’ll be sharing more about this movie and the role I play as we continue shooting in the next coming weeks. Stay tuned!”

Minamadali na ang pelikula nina Vhong at Pia dahil sa Mayo na ang playdate nito na may working title na Sayco (Psycho) handog ng Black Sheep mula sa direksiyon ni Randolf Longjas.

Sa Marso na lalabas ang Mega Magazine na cover si Pia na kinunan sa Rio de Janeiro, Brazil na roon din nag-pictorial sina James Reid at Nadine Lustre na labas ngayong Pebrero.

Samantala, may milk tea business pala si Pia kasama ang mga kaibigang sina Pauleen Luna at Nina Almoro kaya Bestea ang pangalan na nasa Festival Mall, Alabang at dahil maraming nakatikim na nito at masarap ay maraming nagtatanong kung maglalagay ng branch sa bandang Quezon City.

Tikom naman ang bibig ng ex beauty queen tungkol sa kanyang lovelife.

FACT SHEET
ni Reggee Bonoan