Superstar na si Nora Aunor naglaro sa Bawal Judgemental premyo ibinigay sa paring nag-aalaga ng mga bata

Patok ang guesting ng ating superstar na si Nora Aunor, bilang celebrity judge o tagahula sa Bawal Judgemental sa Eat Bulaga noong Sabado sa episode na Dabarkads na may malalang sakit ang partners in life.

Makikita mo na habang ipinahuhula ni Bossing Vic Sotto si Ate Guy sa walong kasali sa episode na iyon, ay nangingilid ang luha ng actress na ikinalulungkot niya siyempre ang mga kuwento sa mga hirap na pinagdaraanan ng mga nag-aalaga sa mga may sakit nilang Kapamilya.

Bale P35K ang natirang pera ni Ate Guy, na kanya namang ipinagkaloob sa kaibigang pari, na in-charge sa pag-aalaga ng mga street children.

Naku, kung bayong-bayong pa ang pera ng Superstar, ay siguradong pati ‘yung medication ng mga may cancer sa episode na iyon ay kanyang iso-shoulder. Ang Bawal Judge­mental ay hatid ng Skyflakes, Youngstown Sardines at IAM Worldwide.

VONGGANG CHIKA!
ni Peter Ledesma