Jane, inalagaan ni Rk sa kanilang lovescene

NILINAW ni Jane Oineza na hindi sila naging magdyowa ni Joshua Garcia sa kabila ng pagli-link sa kanila noon habang nasa Bahay ni Kuya sa Pinoy Big Brother.

“Hindi po naging kami. Hindi rin naman po natuloy ‘yung from inside the (PBB) house outside. Paglabas din wala,” sambit ni Jane sa grand launch ng Us Again mula Regal Films at mapapanood sa February 26.

Natanong si Jane kung ok sa kanya na makatrabaho si Joshua at mabilis naman itong nagsabing walang problema sa kanya.

Samantala, matapos purihin ang akting ni Jane sa mga pelikulang Ang Henerasyong Sumuko Sa Love at Finding You last year, muli na naman siyang bibida sa isang hugot movie, ang Us Again katambal si RK Bagatsing.

Natanong sina Jane at RK kung may pagsisisi ba sila sa kanilang failed relationships.

“Wala po akong pinagsisisihan kasi lahat ng iyon ay reason kung sino at ano ako ngayon,” ani Jane.

Sinabi naman ni RK, “Regardless gaano kahirap ‘yung sitwasyon, it’s better to talk about it rather than go days without saying a word.”

“Continuously learning from past experiences para kapag nalagay ka sa parehong sitwasyon next time, you already have an idea how to better deal with it.”

Sa pelikula’y may love scenes sina Jane at RK at hindi naman sila nagkailangan. Pinaghandaan lang nila kapwa mabuti ang naturang eksena.

Ani RK, “Aside from brushing my teeth, we had an in-depth discussion with Direk Joy how the scene would go, where the characters came from, and saan pupunta ‘yung kuwento after.”

“Wala naman pong preparation. Hahaha. It’s part of our job as actors,” natatawang sagot naman ni Jane.

Sinabi pa ni Jane na, “Hindi po. Comfortable naman po ako with RK.”

“Hindi naman. At the end of the day, you have a job to do and a story to tell. It’s my responsibility to make my scene partner feel safe in every scene that we do,” sagot pa ni RK.

Mapapanood na ang Us Again sa Feb. 26 na idinirehe ni Joy Aquino. Kasama rin sa pelika sina Bidaman winner Jin Macapagal, Sarah Edwards, Eda Nolan, Miko Gallardo, Clara Del Rosario, Minnie Nato, Veronica Reyes at Phiona Raymundo.

SHOWBIZ KONEK
ni Maricris Valdez Nicasio