Friday , May 24 2024

Dahil sa pagbasura sa VFA… Kudeta vs Duterte niluluto — Joma

MAY nilulutong coup d’ etat laban kay Pangulong Rodrigo Duterte ang ilang opisyal ng militar na nadesmaya sa pagbasura niya sa Visiting Forces Agreement (VFA).

Ito ang inihayag ni Communist Party of the Philippines (CPP) founding chairman at National Democratic Front of the Philippines (NDFP) chief political consultant Jose Ma. Sison.

“Just by giving the US a notice of terminating VFA, he has aroused quite a number of pro-US military officers to talk against him and curse him for prejudicing hundreds of projects under the VFA. Some of these officers have been talking about a coup,” ani Sison sa isang kalatas.

Karamihan aniya sa mga pasimuno ng planong pagpapatalsik kay Duterte ay “assets” ng US Defense Intelligence Agency at Central Intel­ligence Agency na mas loyal sa kanilang ‘pocketbooks’ kaysa sambayanang Filipino.

Pinayuhan ni Sison si Duterte na ibasura ang lahat ng military agree­ments sa US gaya ng Enhanced Defense Cooperation Agreement (EDCA), Mutual Defense Treaty (MDT), at ang Mutual Logistics and Support Agreement (MLSA) upang malu­sutan ang lahat ng tangkang kudeta laban sa kanya.

“For him to do so and counter any coup threat from pro-US military officers, he would need to invoke national sovereignty and at the same time, complement this with highly patriotic and progressive social, economic and political reforms to get solid support from the people as in Cuba, Vietnam, and Venezuela,” ani Sison.

Ito aniya ay upang masungkit ni Duterte ang suporta ng ”truly patriotic” military officers at enlisted personnel.

Upang maipakita na hindi pinapaboran ni Duterte ang Chinese imperialism, dapat din aniyang hilingin ng Punong Ehekutibo ang withdrawal ng China sa mga itinayo nitong “artificial and militarized islands” sa exclusive economic zone (EEZ) ng Filipinas sa West Philippine Sea.

“Otherwise, the scrapping of the military agreements with the US would be considered as merely favoring Chinese imperialism and the surrender of the West Philippine Sea to China,” giit ni Sison.

(ROSE NOVENARIO)

About Rose Novenario

Check Also

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

052324 Hataw Frontpage

14.97 % WACC nanatili mula 2010
MERALCO FRANCHISE RENEWAL IBASURAv — SOLON

INISA-ISA ni Sta. Rosa City Rep. Dan Fernandez ang mga dahilan para ibasura ang panukalang …

052324 Hataw Frontpage

Sa bantang pag-aresto ng China 
PH NAVY KASADO

NAKAHANDANG ipagtanggol ng Philippine Navy ang mga mangingisdang Pinoy kapag inaresto ng Chinese Navy sa …

shabu drug arrest

3 kelot arestado sa ilegal na droga

NAARESTO ang tatlong suspek sa isinagawang drug buybust operation ng Muntinlupa City Police Station Drug …

Ferry boat

Babala ng MMDA
ILOG-PASIG HINDI MADARAANAN NG FERRY BOATS

NAG-ABISO ang Metropolitan Manila Development Authority (MMDA) sa mga pasahero ng Pasig River Ferry Service …

Leave a Reply

Your email address will not be published. Required fields are marked *