Sunday , May 19 2024
WALANG makitang pagsisisi sa mukha ng Chinese national na si Pablo Chu, nang masakote ng traffic enforcer ng Manila Traffic and Parking Bureau (MTPB) at mga operatiba ng Manila Police District (MPD) sa kanto ng Jose Abad Santos Ave., at Tayuman St., sa Tondo, Maynila kahit siya’y may paglabag sa batas trapiko, nahulihan ng droga at sa huli’y sinumpit ng dura ang isang pulis. (BRIAN BILASANO)

Traffic enforcer tinakasan… Tsekwang alien nasakote droga nakuha sa SUV umarestong parak sinumpit ng laway

NASAKOTE ng Manila Police District (MPD) ang  isang 50-anyos Chinese national na nahaharap sa patong-patong na kaso makaraang takasan ang dalawang miyembro ng Manila Traffic and Parking Bureau (MTPB) sa isang traffic violation kahapon ng umaga sa Binondo na nagtapos sa panulukan ng Tayuman at Abad Santos Avenue Tondo sa lungsod ng Maynila.

Sa ulat, kinilala ang suspek na si Pablo Chu, Chinese national na hindi marunong umintindi ng English at Filipino, nani­nirahan sa Unit 184, The Noble Place, Binondo, Maynila.

Bukod sa kasong traffic violation, nahaha­rap pa sa ibang kaso si Chu nang takasan ang traffic enforcer, nahulihan ng ilegal na droga sa loob ng kotse, at dinuraan ang pulis na aarestosa kanya.

Naganap ang insi­dente dakong 7:45 am nang mamataan ng isang miyembro ng MTPB na si Arthur Almovugla na lumabag sa coding scheme ang suspek, lulan ng isang puting Toyota Fortuner may plakang NVT 7767.

Nabatid na tinang­kang parahin ni traffic enforcer Almovugla ang sasakyan ng suspek ngunit nagtuloy-tuloy pa rin kaya hinabol ng MTPB enforcer sakay ng motorsiklo.

Sa pagharurot ng suspek, lulan ng SUV, tila sinadyang ararohin ang tatlong sasakyan para mabilis na makatakas.

Napahinto ang sus­pek nang bumagal ang trapiko sa kahabaan ng Jose Abad Santos Ave.,  malapit sa panulukan ng Tayuman St., kaya iniha­rang na ni Almovugla ang kanyang motorsiklo sa harapan ng SUV ng suspek.

Binangga ng suspek ang nakaharang na mo­tor­siklo ni Almovugla ngunit tuluyang napahin­to nang pumailalim ang motor sa sasakyan at masuwerteng nakalun­dag papalayo ang traffic enfocer.

Agad nagresponde ang iba pang yunit ng MPD at nang buksan ang bintana ay nakitang may kasamang babae ang suspek na Chinese.

Nang kapkapan, na­ku­haan ang dayuhan  ng isang sachet ng shabu dahilan para siya aresto­hin.

Hindi umano maru­nong magsalita ng English ang Chinese kaya nagha­hanap ng interpreter ang mga pulis para mag­kaintindihan sa isinasa­gawang imbesti­gayson.

Nabatid na dinuraan pa ng suspek ang nang-aarestong pulis, dahilan para kasuhan ng unjust vexation at direct assault bukod sa patong-patong na reklamo na reckless ìmprudence resulting to damage of property, traffic violations, at paglabag sa RA 9165 kilala bilang Dangerous Drug Act of 2002 dahil sa nakompiskang nakum­piskang droga at para­pher­nalia sa sasakyan na kanyang ginagamit.

Salaysay ng babaeng kasama ng suspek, nakita niyang gumagamit ng droga ang suspek hang­gang sa loob ng naturang sasakyan kaya’t natakot siya hindi siya pinaaalis nito.

Patuloy ang isinasa­gawang imbestigasyon sa suspek.

(BRIAN BILASANO)

About Brian Bilasano

Check Also

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

Leave a Reply

Your email address will not be published. Required fields are marked *