Tuesday , May 28 2024

Lorna Tolentino, happy kahit kinamumuhian ng viewers ng Ang Probinsyano

MARAMING suking televiewers ng top rating show na FPJ’s Ang Probinsiyano ang sobrang buwisit sa character ni Lorna Tolentino bilang Lily Cortez na naging first lady na ni President Oscar Hidalgo, played by Rowell Santiago.

Sobra kasi ang kasamaan ni LT sa seryeng pinagbibidahan ni Coco Martin, kaya marami ang namumuhi sa kanya rito. Pero ayon sa premyadong aktres, masaya siya sa reaksiyong ito ng manonood.

“Maraming salamat, kasi ibig sabihin effective, kahit nga ako galit na galit ako roon sa role ko, e. hahaha!” Nakatawang sambit niya nang makapanayam namin sa grand opening ng Skinfrolic by Beautederm sa Ayala Malls Manila Bay, recently.

Naba-bash din daw siya sa social media dahil sa role niya sa serye. “May mga nakikita ako na nagsasabi na patayin na si Lily, pero okay lang, kasi wala namang personal doon, trabaho lang, ‘di ba?”

Aminado si Ms. LT na mas salbahe na ang character niya ngayon dito. “Oo lalo na, parang nandoon sila sa fall of the palace, the rise of the evil queen, ‘yun ang peg. Ngayon lang ako nakagawa ng role na super black talaga, as in walang gray side, salbahe talaga, kontrabida talaga.”

May nagsasabi na siya raw ang pumalit kay Eddie Garcia sa kasalbahihan dito. “Yes, pero babae, ngayon nga lang daw sila nagkaroon ng babaeng kontrabida na makakalaban ni Cardo.”

Aniya, “Actually magwa-one year na ako sa March. So sa March 1, kapag umabot ako, isang taon na ako sa Ang Probinsyano.”

Dahil isa siya sa ambassador ng Beautederm, isini-share niya rin ba ito sa Ang Probinsiyano? “Of course! Palagi, like noong Christmas, siyempre mayroong in-allot sa akin si Ms. Rei (Tan) para sa lahat, for the staff, crew, ‘tsaka ‘yung mga co-actor,” saad ni LT.

Pati si Coco mayroon din? “Yes, nabigyan ko, hahaha!”

Nabanggit din ni Ms. Lorna na masaya siyang maging bahagi ng Beautederm family at mayroon na rin siyang online store ng Beautederm. “We are family talaga, maganda ang samahan dito lalo na kapag walang intriga. So rito, puro pagmamahal lang talaga, suporta sa isa’t isa, walang selosan… lahat positive lang talaga. Kaya thank you kay Ms. Rei, congratulations and we are always praying sa success pa ng BeauteDerm at ninyo ni Papa Sam, maraming salamat for being our CEO.

Plano niya rin bang magkaroon ng BeauteDerm store?

“Eventually mayroon na ako sa online, LT by BeauteDerm, online po iyon sa FB, i-follow n’yo lang po, maraming salamat,” sambit ng magandang aktres.

ALAM MO NA!
ni Nonie Nicasio

 

About Nonie Nicasio

Check Also

Diwata

Diwata ayaw magseryoso sa lalaki — baka mawalan ako ng puhunan, maubos

SHOWBIZ KONEKni Maricris Valdez Nicasio MALAYONG-MALAYO na talaga ang naabot ni Diwata mula sa pagiging walang-wala ngayo’y …

Carlo J Caparas

Direk Carlo pumanaw sa edad 80

I-FLEXni Jun Nardo PUMANAW na ang batikang Comics King, novelist, writer, at director na si Carlo …

tiktok

Mga artista naisasantabi dahil sa mga Tiktokerist 

I-FLEXni Jun Nardo PISTA ng Holy Trinity kahapon sa lugar namin sa Balic-Balic, Sampaloc. Kaya …

blind item woman man

Television/event host gigil sa baho ng male starlet

HATAWANni Ed de Leon MAY isang television at event host na pilit kaming pinaaamin kung …

Leo Dominguez Ogie Alcasid

Manager ni Ogie na si Leo Dominguez namaalam na rin

NAUNA lang ng isang araw kay direk Carlo Caparas, namatay naman ang talent manager na si Leo …

Leave a Reply

Your email address will not be published. Required fields are marked *