HATAW! D'yaryo ng Bayan hatawtabloid.com
ISANG talented na singer-songwriter si Diane de Mesa na mahigit dalawang dekada nang nakabase sa Bay Area, California, USA. Ang Pinay na tinaguriang Princess of Love Songs ay isang Registered Nurse na tubong Olongapo.
Si Diane ay naka-apat na album na sa US at wish niya na mas makilala ng mga kababayan dito sa Filipinas. “Iyon ang plano ko, na sana ay ma-release sa Filipinas ang mga album ko, para marami pang mga taong makarinig nito,” saad ni Diane.
Kadalasan ang kanta niya ay love songs na may hugot. Mostly, malulungkot na kanta ang naisusulat daw ni Diane kapag malungkot siya o broken hearted.
Siya ang nagpasikat ng mga kantang Miss Na Miss Na Kita, ‘Di Bale Na Lang, If Only We Could Be Together, May Mahal Ka Na Bang Iba? at ang kayang current single na kasama sa latest album niyang With Love ay ang Tama Na. Sa apat na albums si Diane, tatlo rito ay puro kanyang original songs ang napapaloob.
Nakabibilib ang nasabing mang-aawit dahil bilang isang independent artist ay nakaabot nang halos 200,000 streams, 65K listeners ang kanyang mga kanta sa Spotify kahit sabihing wala siyang koneksiyon sa anumang record labels at nagawa niya ito nang nag-iisa.
Ang song niyang Miss Na Miss Na Kita ay naka-more than three million views sa Facebook.
Nabanggit pa niyang available digitally ang kanyang mga kanta. “Yes, puwede po nilang pakinggan sa Spotify, Youtube Music, iTunes, Apple Music. Everywhere online po, hanapin lang nila, Diane de Mesa.”
Si Regine Velasquez ang hinahangaan niyang local singer. “Noong nagsisimula kasi akong kumanta, sikat na sikat siya, pati ang mga kanta niya. I love her songs kasi most of them ay ballads, tapos tungkol sa pagmamahalan. And minsan kasi, tulad ni Regine ay bumibirit din ako sa pagkanta,” aniya.
Kung bibigyan ng chance, wish din ni Diane na mag-concert sa Filipinas at makasama or maka-duet ang mga hinahangaan niyang sina Erik Santos, Michael Pangilinan, at Bugoy Drilon.
ALAM MO NA!
ni Nonie Nicasio
