Sunday , May 19 2024
Bulabugin ni Jerry Yap
Bulabugin ni Jerry Yap

Pagsabog ng Taal malaking setback sa Cavite at Batangas

HINDI maikakailang ang mga lalawigan ng Cavite, Batangas at Laguna ay isa mauunlad na lugar sa kanayunan sa bansa, lalo ang bahaging Tagaytay sa Cavite, Sta. Rosa sa Laguna at  mga bayan ng Nasugbu, Tanauan, at Lipa sa Batangas.

Ang Talisay, bagamat sinasabing isa sa pinakamahirap na bayan sa Batangas ay dinarayo naman dahil sa turismo.

Sa Tagaytay, Sta. Rosa at ilang nabanggit na bayan sa Batangas ay maituturing na may mataas na tantos (rate) sa real estate.

Mismong ang ‘real estate lords’ na pamilya Villar ay may real estate establishments sa mga lugar na ‘yan.

Pero dahil sa naganap na pagputok ng bulkang Taal tiyak na magbabagsakan ang real estate sa mga lugar na ‘yan.

At mukhang ‘yan ang naiisip ng mga opisyal ng gobyerno na ang pamilya ay may malalaking investment sa nasabing lugar dahil marami sa kanila ay ‘tamilmil’ at tila walang kagana-ganang tumulong sa mga biktima ng pagsabog ng bulkang taal.

Wattaffak!

Kinailangan pang mga pribadong mama­mayan ang unang magresponde at magpadala ng tulong sa mga kababayan nating biktima ng pag-aalboroto ng bulkang taal.

Dalawang bagay ang naiisp natin kung bakit makupad ang responde ng mga opisyal ng mga local government units (LGUs) — una, out of town sila, spending their weekend, o ikalawa hinihintay nilang magsalita ang national government para magdeklara ng calamity fund.

Hoy mga hidhid, puwede bang dumukot naman kayo sa sariling bulsa ninyo habang hindi pa bumababa ang assistance ng national govern­ment?!

Lalo na ‘yung LGU officials ng bawat lugar na apektado.  

Mag-FPJ naman kayo! Bumunot naman kayo sa mga bulsa ninyo para tulungan ang mga kababayan ninyo.

‘Yung mga politiko naman na walang ginawa kundi sisihin pa ang PhiVolcs kung bakit hindi raw nalaman na nag-aalboroto ang Taal, aba ‘e bago kayo manisi tumulong muna kayo sa mga nasalanta nating kababayan.

Pambihira, hindi na nga natulong ‘e sinisisi pa ang PhiVolcs.

Sa isang banda puwede naman talagang mabasa ang kalagayan ng isang bulkan, pero sa ganitong sitwasyon, puwede ba, magtulungan muna bago magsisihan.

Kaya hindi natin masisisi ang mga kababayan nating nasalanta na balikan ang kanilang mga alagang hayop kahit mapanganib kasi nga iyon lang ang maasahan nilang pansalba ngayong biktima sila ng kalamidad.

Kaya puwede ba, ‘yung mga nasa hanay ng milyonaryo at bilyonaryo sa alta sociedad, aba ‘e bawasan naman ninyo ang mga milyones o bilyones ninyo para tulungan natin ang mga kababayan nating biktima ng pag-aalboroto ng Taal.

Ilabas n’yo na!

SINDIKATONG
SCAMMER TULOY
ANG LIGAYA
SA NAIA

Kaya naman pala matitibay ang sikmura ng mga miyembro ng sinidikatong scammer sa Ninoy Aquino International Airport (NAIA) ‘e protektado sila ni Attorney at ng isang Kapitan.

Kaya tuloy lang ang ligaya at raket nina alyas Mimiyaw, May-may, Plinky, Pol Dim, Gung­gong, Riyu,  Ranmo, Dithju, Celmari, at isang Tere.

‘Yang sindikato na ‘yan ay walang ibang binibiktima kundi ang overseas Filipino workers (OFWs) na bumibili ng plane ticket sa kanila na halos triple ang presyo.

Tagang-taga talaga at komo gusto nang makauwi sa kanilang probinsiya ng mga OFW ‘e pumapasok sa mga bitag nila.

Sana ‘e ‘yang mga walanghiya na ‘yan ang matabunan ng kumukulong putik ng bulkan.

Mga animal!

Wait, there’s more.

Kasama rin sa grupo nila ang isang alyas Samsam na ang lakad naman ay mangbiktima ng mga foreigner na dinadala sa mga club at doon nililimas o inieskoba ang kuwarta ng dayuhan.

At kahit garapalan na nga ang ginagawnag kawalanghiyaan ay hindi matinag-tinag dahil protektado ni Attorney at ni Kapitan.

Kaya parang ginahasa na ang pangalan ni General Manager Ed Monreal dahil walang tigil sa kababanggit ang ‘colorum king’ na si Lakap-Lakap.

GM Monreal Sir, sila raw po ang dahilan kung bakit madalas ninyong nakakagat ang inyong dila…

Pirmi nilang kaldkad ang pangalan ninyo.

Papayag ba kayo GM Monreal?!

Ay kalusin n’yo na!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *