Friday , May 24 2024
Iran
The flag of Iran pinned on the map. Horizontal orientation. Macro photography.

10 OFW mula Iran uuwi na sa bansa

KASADO na sa susunod na linggo ang repatriation ng 10 overseas Filipino workers (OFWs).

Asahan ang pagdating sa bansa ng unang batch mula sa Iraq sa ilalim ng mandatory repatriation/evacuation na ipinatutupad ng pamahalaan ng Filipinas dahil sa tensiyon sa Middle East.

Ang nasabing grupo ng OFW ay bahagi ng 1,600 Pinoy sa Iraq na unang nagpahayag ng pagnanais na makauwi na sa Filipinas pero tila nagbago na umano ang isip ng karamihan na huwag nang tumuloy dahil humupa na umano ang tensiyon at bumabalik na sa normal ang sitwasyon doon.

Inaasahang sa Miyerkoles bibiyahe ang 10 OFW sakay ng flight mula Doha, Qatar patungong Maynila.

Napag-alaman na tumutuloy ang mga inilikas na OFW sa Embahada ng Filipinas sa Baghdad bago dinala patungong Doha, Qatar na mismong si Environment Secretary at Special envoy to ME Roy Cimatu ang sumalubong sa kanila.

Nasa Qatar si Cimatu upang masubaybayan ang sitwasyon sa ME at personal na pangasiwaan ang mandatory evacuation/repatriation ng mga Pinoy doon.

Bibisitahin din ni Cimatu ang Baghdad sa Iraq at Kuwait.

Nagpapatuloy ang isinasagawang assessment ni Cimatu sa sitwasyon sa Iran, Iraq, Libya at karatig-bansa.

Magkakaroon ng contingency meeting sa pagitan ng Embahada ng Filipinas sa Riyadh at Filipino community sa Saudi Arabia upang talakayin ang paghahanda ng mga OFW sa kabila ng paghupa ng tensiyon.

Samantala, mas ikinababahala ngayon ng mga Pinoy sa Kuwait ang napapabalitang total deployment ban sa naturang bansa lalo na’t nagpahayag na ang Department of Labor and Employment (DOLE) para sa nasabing rekomendasyon sa tensiyon sa ME.

Gayonman naghahanda ang BRP Garbriela Silang para dalhin ang mga ililikas na Pinoy sa mas ligtas na lugar. (JAJA GARCIA)

About Jaja Garcia

Check Also

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

052324 Hataw Frontpage

14.97 % WACC nanatili mula 2010
MERALCO FRANCHISE RENEWAL IBASURAv — SOLON

INISA-ISA ni Sta. Rosa City Rep. Dan Fernandez ang mga dahilan para ibasura ang panukalang …

052324 Hataw Frontpage

Sa bantang pag-aresto ng China 
PH NAVY KASADO

NAKAHANDANG ipagtanggol ng Philippine Navy ang mga mangingisdang Pinoy kapag inaresto ng Chinese Navy sa …

shabu drug arrest

3 kelot arestado sa ilegal na droga

NAARESTO ang tatlong suspek sa isinagawang drug buybust operation ng Muntinlupa City Police Station Drug …

Ferry boat

Babala ng MMDA
ILOG-PASIG HINDI MADARAANAN NG FERRY BOATS

NAG-ABISO ang Metropolitan Manila Development Authority (MMDA) sa mga pasahero ng Pasig River Ferry Service …

Leave a Reply

Your email address will not be published. Required fields are marked *