Sunday , May 19 2024
Sabong manok

‘Kristo’ itinumba sa sabungan

PATAY ang isang ‘kristo’ o tagatawag ng pusta at taya sa sabu­ngan na sina­bing sangkot sa panda­raya sa mga sabungero nang pagbabarilin ng hindi nakilalang gunman sa parking lot ng sabungan sa Malabon City, kama­kalawa ng gabi.

Dead on-the-spot ang biktimang kinilalang  si Alexander Francisco, 54 anyos, residente sa S. Pascual Beacum, Brgy. San Agustin ng nasabing lungsod, sanhi ng  mga tama ng bala ng kalibre .45 sa ulo at katawan.

Sa ulat ni P/SSgt. Jose Romeo Germinal, dakong 6:25 pm, nang maganap ang pamamaril sa biktima sa loob ng Dam­palit Cockpit Arena sa Brgy. Dampalit.

Naglalakad umano ang biktima sa parking area nang laipitan ng gunman at walang sabi-sabing pinagbabaril sa ulo at katawan na agad nitong ikinamatay.

Matapos ito, agad sumakay ang gunman sa naghihintay na motorsiklo na minamaneho ng kan­yang kasabwat bago mabilis na nagsitakas patungo sa Obando, Bulacan.

Sinabi ni P/Sgt. Germinal, bilang isang ‘kristo,’ naaalala ni Fran­cisco ang lahat ng tuma­taya sa pamamagitan ng pagsenyas ng mga kamay sa loob ng sabu­ngan na hindi isinusulat ngunit sa ilang okasyon niloloko umano nito ang mga nanalo at mama­wala sa loob nang ilang linggo o buwan.

“Magpapalamig lang ‘yan tapos lulutang ulit sa sabungan,” pahayag ng pulisya.

Patuloy ang follow-up investigation ng pulisya sa posibleng pagkakakilanlan at pagkakaaresto sa mga suspek habang inaalam ang tunay na motibo sa insidente. (R. SALES)

About Rommel Sales

Check Also

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

dead gun police

Ikinumpisal bago nalagutan ng hininga
MAGKAIBIGAN ITINUMBA NG 4 KAALITAN

BINAWIAN ng buhay ang dalawang lalaki matapos pagbabarilin ng apat na pinaniniwalaang kanilang mga kaalitan …

051724 Hataw Frontpage

Tutol sa adelantadong renewal ng prangkisa
SOLON NAGBABALA MERALCO MATUTULAD SA SMNI NI QUIBOLOY

MULING nadagdagan ang tumututol sa ‘adelantadong’ renewal ng prangkisa ng distribution utility na Manila Electric …

Leave a Reply

Your email address will not be published. Required fields are marked *