Thursday , August 11 2022
MAHIGIT 300 kilong baboy ang kinompiska ng mga tauhan ng Pasay City Veterinary Office sa pangunguna ni Dr. Ronaldo Bernasol dahil sa hindi maayos na lagakan sa harap ng isang bahay, sa panulukan ng Advicula St. at FB Harrison St., sa Pasay City kahapon. (ERIC JAYSON DREW)

Karneng baboy na nagpositibo sa ASF sisiyasatin ng QC Councilor

MAKARAANG mag­positibo sa African Swine Fever (ASF) ang karne ng baboy na ibinebenta sa isang supermarket sa Quezon City, sisiyasatin ng isang QC councilor kung paano nakalusot ang naturang karne nitong nakalipas na Holiday season.

Sinabi ni 5th District Councilor Allan Butch Francisco, nais niyang malaman kung paano nakalusot ang naturang karne ng baboy na hini­hinalang may ASF at naibenta pa sa super­market nitong nakalipas na Disyembre 2019.

Magugunitang pinag­papaliwanag ng Depart­ment of Agricul­ture ang National Meat Inspection Service (NMIS) matapos matuklasan ang mga karneng baboy na ibinebenta sa isang supermarket sa Quezon City na nagpositibo sa ASF.

Ayon kay Francisco, ang City Veterinary Office ng Quezon City ang nakadiskubre sa ASF-infected meat sa SM Cherry Supermarket sa QC nitong nagdaaang Disyembre 2019.

Nagtataka rin si Francisco kung paano nakalusot sa inspeksiyon ng NMIS ang mga natu­rang karne ng baboy na hinihinalang infected ng ASF gayong mahigpit ang kampanya ng pamaha­laan laban dito.

Nabatid sa ulat, kumu­ha ang mga awto­ridad ng QC Veterinary Office ng sample ng karne mula sa lahat ng chiller ng nasabing supermarket at ang karne mula sa isa sa mga chiller ang nag­postibo sa virus mata­pos ipasuri.

Kinompirma rin ng Bureau of Animal In­dustry (BAI) na nag­positibo sa ASF ang karne ng baboy.

Nais paimbestigahan ni Francisco ang kom­panyang North Star, supplier ng karne ng SM Cherry Supermarket na nagpositibo sa ASF.

Pansamantala rin itinigil ng North Star ang kanilang operasyon para isailalim sa sanitation ang kanilang mga pasilidad.

Ayon sa Department of Agriculture, ang kompanyang North Star ang supplier ng karne ng SM Cherry  Supermarket at nagpalabas na sila ng notice of closure rito.

About hataw tabloid

Check Also

Lunod, Drown

Sa Zambales
3 NILAMON NG ALON, 13-ANYOS NAWAWALA

HINDI nakaligtas sa malakas na hampas ng alonang tatlo katao habang nawawala ang kasama nilang …

bugbog beaten

Kinuyog ng 5 katao
16-ANYOS BINATILYO TODAS

BINAWIAN ng buhay ang isang binatilyo matapos pagsasaksakin at pagnakawan ng limang suspek sa Brgy. …

fire dead

Sunog sumiklab sa Bataan
MAG-AMA PATAY, 14 BAHAY NATUPOK

PATAY ang isang lalaki at kanyang 20-anyos anak na babae sa sunog na tumupok sa …

arrest posas

Top 3 MWP sa kasong rape nasakote

HINDI na nakapalag ang isang lalaking may kasong panggagahasa matapos arestohin ng pulisya sa pinagtataguan …

arrest, posas, fingerprints

Scammer nagpanggap na ‘US Army’ arestado

DINAKIP ng mga pulis sa lungsod ng Tarlac ang isang babaeng hinihinalang sangkot sa ‘package …

Leave a Reply