Friday , March 29 2024

Joshua, ayaw munang makipag-date, ‘di kayang pagsabayin ang love at work

IPINAGTAPAT ni Joshua Garcia na ayaw pa niya o hindi pa siya handing makipag-date pagkatapos magwakas ng relasyon nila ni Julia Barretto.

Pero unti-unti naman niyang nao-overcome ang pagiging introvert sa mga nangyari sa kanya.

“Mas marami akong nakikilala ngayon at nagiging kaibigan,” anang binata sa The Killer Bride presscon. ”Mas luminaw ang mundo ngayon. Mas lumuwag, mas open ako sa lahat.”

Sinabi rin ni Joshua na tila mas masarap sa ngayon ang wala siyang commitment at sarili lang niya ang iniisip.

“Sa work ko and sa the way ako mag-isip opo. Kasi parang hindi ko kayang pagsabayin ang dalawa—love and work. Kasi medyo hindi ko pa rin kayang i-handle ang oras ko. Lagi kasi akong tulog eh,” sambit ni Joshua at iginiit na hindi naman siya na-trauma sa love.

“Siguro mas nagpo-focus lang ako ngayon sa opportunity na ibinibigay sa akin kasi ang tagal ko na rin sa showbiz, six years nang mahigit, ayaw ko namang sayangin, ” paliwanag ng binata.

At kahit sabihin pang iba pa rin ang may inspirasyon, giit ni Joshua, ”Sapat na ho sa akin ang pamilya ko ngayon. One hundred percent naman akong inspired sa kanila.”

Nang tanungin si Joshua kung may communication pa sila ni Julia, sagot nito, ”Last time ko siya nakausap noong birthday ko at saka noong station ID ng ABS-CBN.

“Noong nakita ko siya nahihiya ako at talagang nasa-shy ako kapag nakikita ko siya. Civil lang kami talaga. Relax lang at friends kami,” ani Joshua.

Nang tanungin kung paano sinuportahan ni Joshua si Julia nang malagay ito sa isyu nina Bea Alonzo at Gerald Anderson. ”Sa ngayon hindi ko pa alam kung anong projects ang gagawin eh, pero kung ano man iyon, happy ako kasi back to work na uli siya.

Happy naman si Joshua na sinuportahan ng publiko ang tambalan nila ni Janella Salvador sa The Killer Bride”Oo nga nababasa ko nga mga tweets nila eh. Nakaka-happy ‘yung mga reaksiyon nila. Nasasaktan sila kapag nasasaktan ang mga character namin ni Janella. Sobrang happy ako.”

Bonding moment nila ni Janella ay kumain pero aminado naman siyang hindi niya alam kung bakit ang payat niya ngayon sa kabila nang madalas nilang pagkain ng aktres.

“Recently nagkakanin na uli ako at kain ako ng kain. Siguro sa puyat na rin at malayo ang taping namin. Pero sa ngayon hanggang 2:00 a.m. na lang ang shoot namin kasi may cut-off na ang lahat. Sa ngayon malapit na ang location ng shooting namin, sa Quezon City na lang,” sabi pa ni Joshua.

Ukol naman sa The Killer Bride, abangan ang paglabas ng tatay ni Joshua.  ”Hinahanap ko na ang tatay ko and tingnan natin kung ano ang ibibigay na back story ng tatay ko sa lahat ng nangyari sa Las Espadas. Feeling ko susi siya sa lahat ng nangyayari ngayon eh, so abangan natin ang unang pagtatagpo ng tatay ko.”

Wish ni Joshua ngayong Kapaskuhan, ”Sana matuloy lahat ng mga project na sinabi sa akin next year.”

Hindi naman masagot ni Joshua kung package deal pa rin sila ni Julia sa mga endorsement o commercial. “Hindi ko po alam kasi nasa client na po iyon eh.”

SHOWBIZ KONEK
ni Maricris Valdez Nicasio

 

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *