Friday , May 24 2024
Bulabugin ni Jerry Yap
Bulabugin ni Jerry Yap

Paging BIR! Tax evader na POGOs dapat nang ituluyan

SANA’Y ipagpatuloy ng Bureau of Internal Revenue (BIR) ang kanilang maigitng na kampanya laban sa mga Philippine Offshore Gaming Operators (POGO) na mahilig magpalusot kahit sandamakmak ang kinikita nila.

Kahit sa Pangulong Rodrigo Duterte ay galit na dahil sa mag mahilig magpalusot na POGOs.

Kamakailan ay may ipinasarang POGO ang BIR lalo nang malaman na ang kanilang branches sa Parañaque City ay hindi nakarehistro para magbayad ng buwis.

Kaya ipinasara ng BIR ang apat na branches New Oriental Club88 Corporation (NOCC) nitong Miyerkoles ng umaga.

Nabisto ng BIR na ang NOCC ay rehistrado sa Makati City bilang customer relations service provider and live studio streaming provider.

At ang kanilang Parañaque offices ay hindi rehistrado sa BIR district office kaya ipinasara ang mga opisina nila sa Icon Hotel sa Diosdado Macapagal Boulevard, Pearl Residences at Sky View Tower sa Quirino Avenue, at ang nasa Burgundy Tower sa Pacific Drive.

Mantakin naman ninyo, dapat ay naka­rehistro sila

Para mgabayad ng value-added tax.

Pero alam kaya ng BIR na ganyan talaga ang modus operandi ng mga POGO na ‘yan lalo ‘yung nakabili ng Island Cove sa Cavite na ngayon ay tinatayuan ng mas malaking sentro ng ganityong negosyo?

Kunwari ay customer relations service provider and live studio streaming provider ang kanilang opisina pero sa totoo lang ang operasyon nila ay POGO.

Kahit itanong pa ninyo kay Kuya Kim W.

Maraming POGO ang naka-umbrella sa isang ‘service provider’ nang sa ganoon ay hindi sila masingil ng buwis.

Ngayong mayroon nang nabibistong ganyang klaseng operasyon ang BIR. Dapat lang nilang busisiin at sudsurin kahit ang mga sinasabing service provider o live streaming provider dahil ‘yan nga mismo ang ginagamit nila sa POGO.

Mainit na ang ulo ni Pangulo Digong, dahil pati siyang presidente ay kasama sa natu­tsubibo.

Ngayon, tatlong araw lang ang ibinigay ng Pangulo para magbayad ‘yang mga POGO na ‘yan.

Dahil kung hindi, matutulad ang kapalaran nila sa Cambodia — alsa balutan ang aabutin ninyong mga POGO kayo!      

Sudsurin na ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

FIRING LINE ni Robert B. Roque, Jr.

Day care centers para sa matatanda

FIRING LINEni Robert B. Roque, Jr. WALA sa kultura ng mga Filipino ang paglalagak sa …

Sipat Mat Vicencio

Maagang kampanya ng mga epal na senador

SIPATni Mat Vicencio DAPAT ang mga botante na ang kumilos at tuluyang hindi iboto ang …

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Leave a Reply

Your email address will not be published. Required fields are marked *