Monday , May 20 2024

Kitkat, lalong tumataas ang value ‘pag nananalo ng award

PANG-APAT na pala ni Kitkat Favia ang nominasyong natanggap ngayong taon sa Aliw Awards para sa kategoryang Best Stand Up Comedian.

Ayon kay Kitkat, may pagkakataon pang nang magwagi siya ng Best Actress ay kasabay ang nominasyon bilang Best Stand Up Comedian at Best Crossover Artist kaya naman sobra-sobra ang kasiyahan niya.

Ani Kitkat sa patuloy na nominasyon, ”Hehehe ang sarap po palagi, kasi ‘yung appreciation super nakakataba  ng puso as in. Siyempre supporting lang naman ako lagi so, madalas sa madalas hindi na kami napapansin. So ang sarap sa pakiramdam na kahit saan napapansin po pala ako. Iba rin ang dating ‘pag nano-nominate, tumataas ang value ha ha ha lalo pa ‘pag nanalo .”

Hindi naman itinanggi na umaasa si Kitkat na manalo.

“Siyempre naman (manalo) po sinong ayaw. Competitive po akong tao so, sa lahat ng bagay gusto ko lagi akong panalo. Kahit mga palosebo na laro or habulang baboy ‘di ako papatalo eh ha ha ha. Pero manominate palang, iba na ang saya eh lalo pa ‘pag nanalo.”

Dahil panay ang nominasyon ni Kitkat sa Aliw Awards, natanong naming siya kung ano nag sikreto. ”Ha ha ha ‘yun po ‘di ko nga alam. Alam ko rati sa mga bida lang at prime ang mga award-award.

“Aminin natin lagi natin iniisip sa kahit anong award-award kahit best in friendship award pa ‘yan usually ‘yung pangalan ang nagdadala so, ‘di ko naiisip na mano-nominate kasi ‘di naman ako star. Katuwa lang po na lagi akong napapansin,” giit pa ni Kitkat na taong 2016 nagwagi bilang Best Actress in a Featured Role Musical, Best Stand Up Comedian, Best Crossover Artist samantalang nominado naman noong 2017 bilang Best Stand Up Comedian at naulit muli noong 2018 at ngayong 2019.

Sa ngayon ay abala si Kitkat sa mga gig at corporate shows lalo ngayong December na fully booked na siya.

Ani Kitkat, kailangan niyang kumayod dahil, ”halos ubos ako sa pagkamatay ni nanay at now need gumastos ng malaki para sa operasyon ni papa ko.”

Bukod dito, may mga negosyo rin si Kitkat na ayaw nang ipabanggit kung ano-ano iyon. Pero ang tiyak, masinop si Kitkat kaya hindi nakapagtataka kung marami siyang negosyo. Marami ring endorsement si Kitkat at isa riyan ang Beautederm.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *