Friday , March 29 2024

Roxanne, naiyak sa Love is Love

MASAYA si Roxanne Barcelo na marami siyang blessings na natatanggap ngayong 2019, pero ito rin ang taong pinakamalungkot sa kanyang buhay. Paano’y ito rin ang taong namayapa ang kanyang ama. Kaya naman hindi napigilan ng aktres sa nakaraang presscon ng Love is Love na maiyak.

Emosyonal si Roxanne dahil naalala niya ang kanyang ama na pumanaw habang isinu-shoot nila nina JC de Vera, Raymond Bagatsing, at Jay Manalo ang pelikula.

“Last June, while my parents were vacationing in the U.S., nadulas ang dad ko sa banyo, nabagok ang ulo, na-stroke, he never recovered and passed away in July, Mahirap ‘yung pinagdaanan ng family namin noon. Malaki ang gastos but buti na lang, maraming tumulong. We miss my dad so much up to now.

“Soon after that, dumating naman itong offer na movie, ‘Love is Love’, where I play the lead role. Bale naka-three movies ako this year, along with ‘The Panti Sisters’ and ‘The Art of Ligaw.’ Being busy helped me in coping with my grief over the tragic loss of my dad.

“Almost naging gift and therapy para sa akin ‘yung dumating ang mga trabaho sa akin like ‘yung sa ‘Panti Sisters,’ 3rd day wake ng ama ko diretso ako kaagad, so for a whole month na wala akong tulog especially that week diretso kaagad and the following day nag-shoot kami for ‘Love is Love,’ sabi ko, I will give my all to honor my dad.

“And I don’t care or people think na bakit hindi ako nagpahinga, wala naman akong ganoong priviledge, eh. Wala akong priviledge na mag three-month sa Bali (Indonesia) at mag-aral ng yoga, maging yogini, wala akong ganoon.

“Ang magkaroon ako ng trabaho is a blessing, everyday is a blessing. Ang iniisip ko, lahat ng trabaho bigay ng Panginoon, lahat ng role, salamat Lord! Lahat ng role na napupunta sa akin is a blessing,” pagaralgal na wika ni Roxanne.

Ikinuwento rin ni Roxanne ang ukol sa pagkakasali niya sa Tawag ng Tanghalan ng It’s Showtime gayung pawang mga biritera ang kasali roon. Tinawag niya iyong blessings at meant to be tulad ng Panti Sisters na puro mga komedyante naman ang katrabaho niya.

Sa kabilang banda, isang lesbian ang karakter ni Roxanne sa Love is Love na magiging girlfriend ni JC.

“I play Winona, who has long been based in Japan. Fiance ko roon si Neil Coleta as Wacko. Nang umuwi ako ng Pilipinas, pinasalubong niya ako sa airport at ibinilin sa best friend niya, si JC de Vera as Anton. Habang magkasama kami, little by little, Anton fall in love with me. But then, he discovers something in me and so he questions himself about it,” sambit ni Roxanne.

Ang Love is Love ay idinirehe ni GM Sampedro na mapapanood na sa Disyembre 4 mula sa RKB Productions, isa sa nangungunang bazaar at trade exhibition group sa bansa na pag-aari ni Bernard Chong na siya ring may-ari ng World Balance shoes.

SHOWBIZ KONEK
ni Maricris Valdez Nicasio

 

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *