Saturday , February 15 2025

Mahuhusay sa PH cinema at Sine Sandaan luminaries, pararangalan sa 37th Luna Awards

ESPESYAL ang gaganaping 37TH Luna Awards sa Nobyembre 30 dahil magaganap ito sa pagdiriwang ng sentenaryo ng Pelikulang Pilipino, dalawang klase ng tropeo ang igagawad, at nagsanib-puwersa sa unang pagkakataon ang Film Academy of the Philippines (FAP) at Film Development Council of the Philippines (FDCP).

Magaganap ang Luna Awards Night sa Maybank Performing Arts Theater sa Bonifacio Global City, Taguig City. Inaasahang magiging star-studded ang 37th Luna Awards dahil dadaluhan ito ng mga beterano, batikan, at artista na pangungunahan nina FAP Director-General Vivian Velez at FDCP Chairperson at CEO Liza Diño.

Isang Philippine Cinema extravaganza ang magaganap din dahil sa mga musical performance at production number na pakaaabangan, kabilang ang tribute para kina Willy Cruz at George Canseco na parehong bahagi ng Luna Awards Hall of Fame. Natatangi rin ang listahan ng mga guest, performer, presenter, nominee, at awardee. Ang Luna Awards Night ay ididirehe ng mang-aawit at manunulat na si Ice Seguerra.

Sampung araw bago ang Luna Awards Night, nagsagawa ang FAP at FDCP ng Nominees’ Night noong Nobyembre 20 sa Delgado.112 restaurant. Sa Nominees’ Night ipinakilala ang mga nominado sa mga kasapi ng press, kinilala ang mga natatanging gawa ng mga nominado, at nagkaroon ng mas mabuting pakikipagkaibigan ang mga kasapi ng showbiz at industriya ng pelikula.

Ang awards night sa Nobyembre 30 ay isang strictly invitational at Black Tie Optional na kaganapan. Magsisimula ang Red Carpet Ceremonies ng 5:30 p.m.. Susundan ito ng Cocktail Reception ng 6:00 p.m. at magaganap ang Awards Ceremony ng 8:00 p.m.. Ipalalabas sa pamamagitan ng livestream ang Red Carpet at Awards Ceremony sa FDCP Facebook page (na may username na Film Development Council of the Philippines).

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Jillian Ward Coco Martin Vice Ganda John Lloyd Cruz

Jillian gustong makatrabaho sina Coco, Vice, at John Lloyd

MA at PAni Rommel Placente AYON sa lead star ng Kapuso series na My Ilonggo Girl, …

Jam Ignacio DJ Jellie Aw

Jam Ignacio binugbog daw fiancé na si DJ Jellie Aw;  Ogie Diaz may hamon—harapin mo ito!

SHOWBIZ KONEKni Maricris Valdez Nicasio GINULANTANG kami ng post ni Ogie Diaz kahapon sa kanyang Facebook account. Ito iyong …

Rhea Tan Beautederm Pacita Mansion

Alagang Beautederm ipinaramdam ni Ms. Rhea Anicoche-Tan, Pacita Mansion nakakabilib sa ganda!

ALAM MO NA!ni Nonie Nicasio IBANG klase talaga kapag ang napaka-generous at napakabait na Beautederm …

Winwyn Marquez Luxe Ana Magkawas

Winwyn mas humusay, gumaling, at very fresh

PUSH NA’YANni Ambet Nabus ANG sexy ngayon ni Alexa Ilacad na nag-render ng kanta sa isang event. …

Ruffa Gutierrez Luxe Ana Magkawas

Ruffa umeskapo sa isang event sa isang hotel

PUSH NA’YANni Ambet Nabus KAMI lang ba ang nakapansin sa biglang pagkawala ni Ruffa Gutierrez sa thanksgiving …

Leave a Reply

Your email address will not be published. Required fields are marked *