Monday , August 15 2022

MPD-TPU chief humingi ng ‘tara’ inreklamo sa GAIS

NASA hot water nga­yon ang hepe ng Tourist Police Unit (TPU)  ma­ka­raang ireklamo ng kanyang mga tauhan sa Manila Police District-General Assignment and Investigation Section (GAIS) dahil sa umano’y pagtatalaga ng tara ng P150-P300 kada araw sa MPD Headquarters sa United Nation Ave., Ermita, Maynila.

Sa ulat ng MPD-GAIS, dakong 9:00 am kamakalawa, si P/Cpl. Jonathan Yasay, naka­talaga sa TPU ay nagtu­ngo sa kanilang tanggap­an para ireklamo ang kanilang hepe na si PLt. Noel Jesus Carlos.

Sa reklamo ni Yasay, naganap umano ang pag­mu­­mura sa kanya at pag­ha­ha­mon ng barilan ni Carlos sa kanilang tang­gapan na matatagpuan sa  Senior Citizen Garden sa Luneta Park, Ermita dalong 8:30 am.

Nag-ugat ang galit ng hepe dahil sa umano’y di pagbibigay ng tara ni Yasay.

Alas 12:30 ng tanghali noong araw na iyon nang magtungo sa MPD-GAIS ang iba pang pulis na sina P/SSgt. Abel Pureza, P/Cpl. Jay Aquino, P/SSgt. Dino Cabatbat para ire­klamo ang kanilang hepe.

Ayon sa isang insider ng MPD-GAIS, matagal na umanong ginagawa ni Carlos sa kanyang mga tauhan at kapag hindi nakapagbigay ay maga­galit kaya napipilitan ang ibang pulis na sumunod kahit ang ibinibigay ay galing umano mismo sa kanilang bulsa.

Nakatakdang sampa­han ng kasong graft sa Office of the Om­buds­man ang kanilang hepe.

Nabatid sa isang reliable source sa MPD, walang kinalaman si MPD Director P/BGen. Joel Balba sa mistulang nagbabalik na ‘tara system’ sa mga late o absent tuwing formation at checking of atten­dance sa pulis-Maynila.

Isang greivance commit­tee ang binuo ng MPD para aksiyonan ang naganap na rekla­mo.

Nabatid, isa sa mga mahigpit na ipinag­bawal ni dating MPD director P/Gen. Vicente Danao ang ‘tara system’ at maging ang ‘lubog,’ bagay na tinututukan at sinusugpo rin ngayon ni P/Gen. Balba.

(BRIAN BILASANO)

 

About Brian Bilasano

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply