Monday , August 8 2022

“Classified info” sa drug war kapag ibinahagi… Leni Robredo diskalipikado habambuhay sa gobyerno

PUWEDENG madiskalipika habam­buhay sa gobyerno si Vice President Leni Robredo kapag ibinahagi ang mga “classified information” sa mga dayuhan.

Ayon kay Presidential Spokesman Salvador Panelo, ipinaaalala ng Palasyo kay Robredo na isang krimen ang pag­babahagi ng mga sekreto ng estado sa mga dayu­han at mga organisasyon ay isang krimen batay sa Article 229 ng Revised Penal Code.

Giit ni Panelo, isa sa mga parusa sa nasabing krimen ay habambuhay na diskalipikasyon sa gobyerno.

Ang pahayag ng Palasyo ay kasunod nang paghingi ni Robredo sa lahat ngdokumento at impormasyon kaugnay sa isinusulong na drug war ng administrasyong Duterte.

“Revealing State secrets to foreign in­dividuals and entities as well as welcoming those who have trampled the country’s sovereignty would be damaging to the welfare of the Filipino people, not to mention that under Article 229 of the Revised Penal Code, such revelation of privileged information is a crime which has per­petual special dis­qualification from office, among its penalties,” ani Panelo.

Nauna rito’y nag­babala si Pangulong Rodrigo Duterte na baka sibakin niya si Robredo bilang drug czar dahil sa pag-iimbita sa mga personalidad mula sa United Nations na tina­wag ang Filipinas na “murderous country” at nanawagan sa pag-aresto sa Punong Ehekutibo.

Binigyan diin ni Panelo na welcome pa kay Robredo maging ang prosecutor ng ‘rejected’ Rome Statute Inter­national Criminal Court (ICC).

Warning ni Panelo kay Robredo, maaaring ibang landas ang tinatahak ni Robredo at lumalabis sa itinakdang kapang­yarihan niya bilang drug czar.

“She may not realize it but she could be treading on dangerous grounds. It could be an overreach of the granted authority hence the reminder,” dagdag ni Panelo.

“Any appointment made by the appointing authority must be exercised strictly in accord with law and never diametrically opposed to the interest and security of the State,” ani Panelo.

Matatandaan, sinabi ni Robredo na kakausapin niya ang Amerika at UN para maging maayos ang kampanya kontra illegal drugs sa Filipinas.

ni ROSE NOVENARIO

About Rose Novenario

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …

Leave a Reply