Monday , August 8 2022
shabu drug arrest

Pekeng pulis ‘nagpakuha’ ng shabu kalaboso

KULONG ang isang lalaking nagpulis-pulisan para magpa­kuha ng shabu at magnakaw ng cellphone sa Valenzuela City kamakalawa ng umaga.

Robbery at usurpation of authority ang nakatakdang ikaso sa suspek na kinilalang si Richard Torres Gregorio, 32 anyos.

Dakong 8:30 am, tinawagan ang biktimang si Migs Ivan de Guzman Peregrino, 24 anyos, sales promoter, ng Brgy. Balubaran ng isang alyas Onad at pinapunta siya sa bahay nito.

Ipinakilala ni alyas Onad si Peregrino sa suspek at ipina­sama ang nagpakilalang pulis na si Gregorio na umano’y miyembro ng drug enforcement unit.

Pumayag ang biktima, gamit ng suspek ang motorsiklo ng una papuntang Malabon.

Pagdating sa Malinta junction dakong 10:00 am, inutusan ng suspek ang biktima na pumunta sa Dulong Tangke St., Malinta.

Dito ay puwersahang kinuha ng suspek ang susi ng motor ni Peregrino, cellular phone at ID saka binigyan ng P500 para mag-isang kumuha ng shabu sa Malabon.

Sa tagpong ito, nagpasya ang biktima na pumunta sa bahay ng kanyang kaibigang si alyas Lenlen para kunin ang mga gamit ngunit tumanggi ang suspek.

Dumeretso ang biktima sa mga tunay na pulis na nagresulta sa pagkakahuli sa pekeng pulis na si Gregorio at pagkakabawi sa mga ninakaw kay Peregrino na isang Oppo A38 at company ID. (ROMMEL SALES)

About Rommel Sales

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …

Leave a Reply