Ayaw nang patulan pa ni JC Garcia ang singer na malaki ang insecurities sa kanya na matapos niyang tulungan ay nakuha pa siyang siraan. At para wala na lang gulo, si JC ang nag-give way at siya na mismo ang umatras sa guesting niya supposedly sa concert ng magpinsang Racheal at Niño Alejandro sa Ichiban Comedy Bar sa South San Francisco, California.
Well may karapatan namang umayaw ang kaibigan naming singer-dancer-choreographer lalo’t marami na siyang napatunayan bilang solo concert artist. In all fairness siya lang yata ang nakapuno ng Ichiban noong magdaos siya rito ng kanyang birthday concert.
Well, may mga naka-line up pang shows si JC na nagsisimula nang maging popular sa kanyang sariling internet radio show na “It’s Showtime With JC Garcia” sa Fil-Am Radio Sanfo Bay Area na mapapanood worldwide.
Hit rito si JC sa mga patawa niya at greetings on air at si Glenn Snyder ang kanyang latest guest na artist na kilalang one man band sa San Francisco. Talagang naglaan siya (JC) ng oras para mapanood ang show ni Glenn at ang kaibigan niyang recording artist na si Miriam Pantig na sumikat noong 80s sa Filipinas.
VONGGANG CHIKA!
ni Peter Ledesma
