Monday , August 15 2022
shabu drug arrest

9 sangkot sa droga timbog sa buybust

ARESTADO ang siyam katao na nasa drug watch­list ng pulisya sa isinagawang magka­hiwalay na buy bust operation ng mga pulis sa Valenzuela City, kama­kalawa ng gabi.

Batay sa ulat ni  P/SSgt. Carlos Erasquin, Jr., dakong 11:30 pm nang isagawa ng mga operatiba ng Valenzuela Police Station Drug Enforcement Unit (SDEU) ang buy bust operation sa bahay ng suspek na kinilalang si John Sese, alyas Adiong, 34 anyos, residente sa Pitacion St., Elysian Subd., Brgy. Marulas.

Nagawang makaiskor ni P/Cpl. Arvin Lirag na nagpanggap na poseur-buyer ng isang sachet ng shabu sa suspek kapalit ng P200 marked money at nang magbigay ng signal na nagkaabutan na, agad sumugod ang back-up na mga operatiba saka sinunggaban si Sese, kasama si Nicanora Tem­blique, alyas Nica, 29 anyos, barista.

Narekober kay Sese ang isang coin purse na naglalaman ng 14 plastic sachets ng shabu, buy bust money, P400 cash at maliit na timbangan.

Natimbog din si Melvin Cabuyao, 30, at Jestoni Salayong, 32, flagman, matapos maku­haan ng tig-isang sachet ng shabu.

Samantala, nasakote rin ng mga operatiba ng SDEU Team 4 sa buy bust operation sa Block 2 Lot 16 De Gula Compound, Gen. T. De Leon, dakong 11:30 pm si John Michael Ogsimer, alyas Kamote, 26 anyos, Adrian Nonato, 20 anyos, Rody Ogsimer, 53 anyos, Darwin Maca­alay, 37 anyos, at Rene­mar Agag, 40.

Nakompiska sa mga suspek ang isang plastic sachet ng shabu, at isang nakabukas na sachet ng shabu, P300 buy bust money, P200 cash at ilang drug paraphernalia.

(ROMMEL SALES)

About Rommel Sales

Check Also

DANIEL FERNANDO Bulacan

Bulacan, kaisa sa paghubog ng mga lider para sa susunod henerasyon

BILANG PAKIKIBAHAGI sa bansa sa obserbasyon ng Linggo ng Kabataan 2022, nagsagawa ang pamahalaang panlalawigan …

arrest posas

Kumagat sa pain
TULAK TUWING MADALING ARAW TIMBOG SA PARAK

NASAKOTE ng mga awtoridad ang isang pinaniniwalaang tulak ng ilegal na droga sa ikinasang buy …

prison rape

Lolong manyakis naihoyo sa Zambales

NASUKOL ng mga awtoridad ang isang matandang lalaking may kasong panggagahasa sa inilatag na manhunt …

Dalagita nasagip sa cybersex den 3 suspek arestado

NAILIGTAS ng mga awtoridad ang isang babaeng menor de edad mula sa isang cybersex den …

Road Expressway

Para sa mas mabilis na biyahe
CAVITEX C5 LINK FLYOVER EXTENSION BINUKSAN NA 

INIANUNSYO ng Toll Regulatory Board (TRB) ang grantor ng Manila-Cavite Toll Expressway Project (MCTEP) kasama …

Leave a Reply