Kris, wise investor kaya naitataguyod ang mga anak (Kahit walang sustento mula sa mga tatay)

SPEAKING of Kris, kung dati-rati’y ipino-post niya ang kanyang foreign trip, recently ay wala siyang bansang binanggit where she was headed to.

Dalawa lang namang bayan ang malimit na puntahan ng Queen of All Media: Japan at Singapore.

Japan dahil para sa kanilang mag-iina (Josh at Bimby) ay doon niya nararanasan ang complete relaxation malayo sa stress dulot ng kung anumang isyung kinapapalooban niya.

Sa Singapore naman dahil sa kanyang regular checkup at consultation sa kanyang doctor.

Hindi kaya naghahanap ng property si Kris para bilhin outside the country? May offshore accounts din kaya siya?

Hindi imposible. Isang wise investor si Kris na marunong humawak ng finances.

Ito ang kaibahan ni Kris from most single parents na nagkakaproblema sa pagtataguyod ng kanilang mga anak na hindi nakatatanggap ng sustento o financial support mula sa kanilang mga tatay.

Maiintindihan sana kung jobless ang mga ama ng mga ito, kaya nakapagtatakang lumaki’t nagbinata na si Josh ay mukhang hindi nakatitikim ng sustento mula sa amang si Phillip Salvador gayong “nakasandal ito sa pader.”

So fathers nga naman, oo.

HOT, AW!
ni Ronnie Carrasco III