Thursday , March 28 2024

Ika-5 SGLG award tinanggap ng Caloocan City

IPINAGMAMALAKING tinanggap ni Mayor Oscar “Oca” Malapitan ang ika-limang Seal of Good Local Governance (SGLG) Award.

Ito ay matapos kilalanin ng Department of the Interior and Local Govern­ment (DILG) sa panglimang sunod-sunod na taon (2015-2019) ang lungsod ng Caloocan sa ilalim ng pamamahala ni Mayor Oca bilang SGLG Awardee.

Kasamang tumanggap ni Mayor Oca ng prestihiyosong pagkilala sina Rep. Along Malapitan, DILG Caloocan Director Marco Cabueños at iba pang opisyal ng lungsod.

Ang SGLG ay pinaka­mataas na parangal na iginagawad ng DILG sa mga lokal na pamahalaang nagpamalas ng kahusayan at katapatan sa iba’t ibang aspekto ng serbisyo publiko tulad ng social protection, financial administration, disaster preparedness, peace and order at iba pa.

Kabilang ang Caloocan sa tanging dalawang lungsod sa buong National Capital Region na nakakuha ng sunod-sunod na para­ngal mula 2015 hanggang 2019.

“Nagpapasalamat ako sa suporta at kooperasyon ng bawat mamamayan ng Caloocan upang muling makamit ang pagkilalang ito,” ani Mayor Oca.

“Nagpapasalamat din ako sa lahat ng kawani ng pamahalaang lungsod na nagsikap upang makamit ang parangal sa pamu­muno ng kanilang masisi­pag na department head tulad ni Engr. Aurora Ciego, Engr. Jay Bernardo, Dr. James Lao, Engr. Noemi Obinia, Hilario Castro at iba pa.

“Ang parangal na ito ay sumasalamin sa ating tapat at maayos na pamamahala sa lungsod. Asahan ninyo na patuloy ang ating pagganap sa ating tungkulin upang hanggang matapos ang aking huling termino ay makakuha tayo ng ganitong parangal at patuloy na maiangat ang lungsod ng Caloocan,” dagdag ni Mayor Oca. (JUN DAVID/ROMMEL SALES)

About Jun David

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *