Sunday , August 14 2022

Nakarelasyon ni Atong Ang, pinatotohanang may relasyon sila ni Greta

NATATANDAAN n’yo pa ba ang aktres na si Kristine Garcia?

Sa mga nakakaalala pa sa kanya, isa si Kristine sa mga mahusay na aktres ng kanyang panahon. Para sa amin, one of her best acting performances ay sa 90’s film na Kapag Langit Ang Humatol, na tampok sina Vilma Santos at  Richard Gomez.

US-based na si Kristine ngayon, at umugong lang uli ang kanyang pangalan dahil sa matinding away ng Barretto sisters. Ang konek niya sa isyu ay dahil nakarelasyon siya rati ni Atong Ang, at nagbunga ‘yon ng isang anak na ngayo’y 30-anyos na.

Sa ngayon, malapit nang maging Golden Girl si Kristine na nakapag-asawa kamakailan pero hindi pa nabibiyayaan ng anak.

Aminado siyang 15-anyos lang siya noong makarelasyon si Atong, bagay na walang inilayo sa edad ni Nicole—pamangin nina Gretchen,  Marjorie,  at Claudine sa kapatid na si Jay Jay—na menor de edad din noong maging girlfriend umano ni Atong for almost five years.

Sa kanyang pag-amin sa pamamagitan ng exchange of private messages, sinabi ni Kristine sa beteranong kapwa showbiz columnist na si (Ate) Mercy Lejarde na totoong may namamagitan kina Atong at Gretchen.

“Nakahihiya” kung ilarawan nga ni Kristine ang lantarang ugnayan ng dalawa, bagay na noon pa naman pinagdudu­dahan.

Ang masaklap, kahit si Atong ang itinuturong ama ng 30 years old nang anak niya kay Kristine ay wala itong sustentong ibinibigay. Hindi maliwanag ang dahilan ng umano’y pagtalikod ni Atong sa kanyang paternal obligation. Pero tulad ng alam ng lahat ay isa siyang bigating negosyante who’s into casino operations, kaya paanong wala itong ipangtutustos sa pangangailangan ng anak nila ng dating aktres?

Tiyak hindi ito palalampasin ni Gretchen. Hindi na ito simpleng pakikisawsaw sa isyu dahil may direct involvement na si Kristine lalo pa’t ang sangkot ay si Atong.

May dapat talagang ipaliwanag si Gretchen para once and for all ay matapos na ang isyu linking her to Atong who’s a married man.

Nagsalita na si Marjorie. Sinusugan pa ni Nicole. At heto ngayon si Kristine na ang statement ay nagko-corroborate sa mga naunang pahayag.

Mukhang bukod-tanging si Gretchen na lang ang nahuhuli sa balita na siya ang pangunhahing tauhan sa kuwento.

Huli sa balita, o sadyang nagmamaang-maangan lang?

Take note na may ANG din sa salitang ito.

HOT, AW!
ni Ronnie Carrasco III

About Ronnie Carrasco III

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Cherie Gil Alfred Vargas

Alfred wasak din sa pagkawala ng kaibigang si Cherie Gil

SHOWBIZ KONEKni Maricris Valdez Nicasio ISA rin si Alfred Vargas sa sobrang naapektuhan sa biglang pamamaalam ng …

Leave a Reply