Thursday , March 30 2023

Cavite official sinibak 300 VK, fruit games machines winasak

MINASO at winasak ng mga pulis ng Police Regional Office 4-A (PRO 4-A) Office of the Regional Director Action Team ang mahigit 300-piraso ng ipinagba­bawal na video karera at fruit game sa Calabarzon.

Base sa ulat ni PRO4-A Regional Director (RD) General Vicente Danao, nakompiska ng mga pulis ang 252 piraso ng VK at FG mula sa limang probinsiya na kanyang nasasakupan na ang pinakamarami ay sa Laguna at Batangas.

Sa ginawang inspek­siyon ni Danao sa mga na­kom­piskang makina, nadis­kubre na ang mga makina mula sa Cavite ay walang laman na mother­board at haper, mahaha­lagang piye­sang nagkokontrol sa bawat makina.

Dahil dito, sinibak ni Danao ang hindi pinanga­lanang mataas na opisyal sa Cavite Provincial Police Office partikular sa Intel­ligence Division dahil sa hindi maayos na pagsunod at pagpapatupad ng “trabahong totoo” na kanyang direktiba.

“Kung sa simpleng panghuhuli ng mga illegal gambling partikular ng VK ay hindi maaasahan ang ilang opisyal e what can we expect them to do especially in anti- criminality and war on drugs,” ani Danao.

“We will not tolerate any wrong doings ng pulis dahil may gobyerno na rito sa Calabarzon, nagawa natin ang mga ‘yan na iayos ang Maynila at batasin ang mga pulis-Maynila kaya there’s no reason na hindi natin magawa dito sa probinsya,” dagdag ni Danao.

Nabatid, hindi magdada­lawang-isip si Danao na muling magsibak ng mas mataas pang mga opisyal sa kanyang nasasakupan sa oras na hindi sumunod sa kanyang kautusan para sa kapakanan ng mga kababayan sa Calabarzon.

Nakatakda rin pulungin ni Danao ang mga matagal nang nanungkulang pro­vincial directors sa Calabarzon patungkol sa mga natanggap niyang impormasyon kaugnay sa talamak na kalakaran ng droga sa limang probinsiya.

(BRIAN BILASANO)

About Brian Bilasano

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Leave a Reply

Your email address will not be published. Required fields are marked *