Saturday , August 13 2022

ASEAN dapat magkaisa (Hindi China o US) — Duterte

NANAWAGAN si Pangu­long Rodrigo sa mga lider ng mga ban­sang kasapi ng As­sociation of Southeast Asian Nations (Asean) na huwag pumili o mapilitang mamili kung sino sa China o Amerika ang kakam­pihan.

Sa kanyang talum­pati sa 35th Asean Sum­mit Plenary sa Thailand kamakalawa ng gabi, tinukoy ni Pangulong Duterte bilang “stra­tegic mistake” ng mga sinundan niyang mga administrasyon ang pagkiling sa Amerika kaya itinutuwid niya ito sa pamamagitan ng kanyang ipinatutupad na independent foreign policy.

Tinalakay rin ng Pangulo ang umiiral na bagong regional land­scape na kumikilala sa paglakas ng China sa mundong dinodo­minahan ng Amerika.

Matatandaan na isa sa pangunahing isyu laban sa Pangulo ang pakikipagmabutihan niya sa China at pagdistansya niya sa US na taliwas sa naging patakarang pro-Amerika ng mga sinun­dan niyang adminis­trasyon.

Sinabi rin ng Pangulo na bilang country coordinator ng ASEAN at China, gagawin ng Filipi­nas ang lahat ng maka­kaya upang magkaroon ng konklusyon ang mga dialogo para sa Code of Conduct (COC) sa South China Sea sa lalong madaling pana­hon.

Para mapagta­gum­payan ang isinusulong na COC, kailangan aniyang panatilihin ng ASEAN ang isang environment na bukas sa negosasyon at kom­promiso.

Iginiit ng Pangulo, dapat maresolba ang isyu sa mapayapang paraan alinsunod sa international law, kabilang ang United Nations Convention on the Law of the Sea (UNCLOS).

Kailangan aniyang magkaisa ang ASEAN, at hikayatin ang lahat ng concerned parties na magpatupad ng self- restraint at iwasan ang mga aksiyon na mag­dudulot pa ng kompli­kasyon sa kasalukuyang sitwasyon.

(ROSE NOVENARIO)

About Rose Novenario

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply