Tuesday , May 28 2024
Erap Estrada Manila
Erap Estrada Manila

Panahon pa ni Erap… 120K kidney patients, nakalibre sa Manila dialysis center

DISYEMBRE 2014 pa nang buksan ni former Manila Mayor Joseph Estrada ang pinaka­malaking dialysis center sa Gat Andres Bonifacio Memorial Medical Center sa Tondo, Maynila.

Ito ang inihayag ng kampo ng dating alkalde, na sa pamamagitan umano ng City Ordinance 8346 at Council Resolution No. 163 na inapro­bahan ng konseho noong Abril 2014, binigyan ng kapangyarihan si Estrada na pumasok sa kasunduan para sa pagbubukas ng dialysis center sa naturang ospital.

Naisipan umanong magproyekto ng dialysis center matapos makita ng dating Pangulo ang hirap ng kidney patients na nakapila sa palasyo ng Malacañang noong siya pa ang lider ng republika.

Sa pamamagitan ng public-private partner­ship, nasimulan ni Estrada ang dialysis center matapos ang pakikipagkasundo sa B. Braun, ang pinakamalaking dialysis servicing company sa bansa.

Nagsimula ang center sa 26 dialysis machines na naging bahagi ng “from womb to tomb” health program ni Estrada na nakapag­ser­bisyo nang libre sa maraming mamamayan ng Maynila na kidney patients sa ilalim ng Phase 1.

Noong Oktubre 2018, nagkaroon ng pani­bagong inagurasyon si Estrada na tinukoy bilang Expanded Manila Dialysis Center sa ilalim ng Phase 2 na may karagdagang 29 dialysis machines kaya umabot sa 55 ang nagamit na makina.

Sa pagtatapos ng ikalawang termino ni Mayor Erap, umaabot na sa 120,000 kidney patients ang napagsilbihan ng dialysis center na libre ang makina, gamot at ang lahat ng pasilidad para sa mga pasyente.

Umaabot sa P2,500 hanggang P3,000 ang karaniwang bayad sa isang sesyon ng dialysis machine ngunit libre itong naibigay sa mga pasyente sa loob ng anim na taon ng pagiging alkalde ni Estrada.

Ayon kay Estrada, pondo ng pamahalaang lungsod ang ginamit sa programa sa tulong din ng pribadong sektor kaya dapat pakinabangan ng mga mamamayan.

“Hindi naman natin kailangan ng kredito dahil ang importante sa lahat ay malaman ng mga mamamayan kung kailan nagsimula ang dialysis center ng Maynila na kahit minsan ay hindi natin kinulayan ng politika,” pahayag ni Erap.

About hataw tabloid

Check Also

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Drug den sinalakay MAINTAINER, 3 GALAMAY TIKLO

Drug den sinalakay
MAINTAINER, 3 GALAMAY TIKLO

Sinalakay ng mga tauhan ng Philippine Drug Enforcement Agency (PDEA) ang isang lugar sa lungsod …

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

MATAGUMPAY na idinaos ng Department of Trade and Industry (DTI) ang pasinayang pagtatanghal ng ‘Pustura,’ …

Leave a Reply

Your email address will not be published. Required fields are marked *